Luka 17:2 - Bhiblia Yo Sawuleka

² Ti nga va tinene, ngako a txi sungelelwa dirigwi da kukhurunga thamoni a txi vinzwa lineneni, kupinda kuva e khuvekisa mmweyo ka vale vavadotho.

Luka 17:2 Referans Kwoze

Marku 9:42

“Wuhi ni wuhi a khuvekisako mmweyo wa sivananana siya si kholwako kwangu, ti nga va i di txhuko kwakwe, ngako va txi mu sunga dirigwi da txigayo mkoloni, se ngu msana va txi mu rinza digovani.

Matewu 18:14

Ngu toneto, Tate wanu wa nzumani kha ti lavi ti to ni mmweyo wa va vavadotho e mwalala.”

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

1 Vakorinto 9:22

Hagari ka vale va dikhodho mu ka likholo, ni ti mahile wa dikhodho nani kufela ku ni txi va mana. Ni ti mahile sotshe ka votshe kufela ku ni txi mana kuhanyisa vamwani ngu totshelele tinzila.

Matewu 26:24

Mwanana wa M'thu a na tsula nga ti ti nga bhaliswa tona, aniko dikhombo da wule ene Mwanana wa M'thu a no ningelwa ngu ngene! Ti ndi nava i di txhuko, ngako mthuyo a ti sa velekwa!”

1 Vakorinto 9:15

Aniko ani kha ni zivi ku yi thumisa fanelo yiya, kambe kha ni bhaleli ti to ni mahelwa eto ngu vathu; ni bheja kufa, kupinda kumwalata wudhumo wangu.

Johani 21:15

Ngako va di gwitile kudya, Jesu a to wotisa ka Simoni Pedro, a txi khene: “Simoni, mwana Johani, awe wa ni randa kupinda vava kani?” Ene a xamute, a txi khene: “Mkoma, wa tiziva ti to ani na kuranda.” Jesu a to mu gela, a txi khene: “Dyisa tinvuta tangu.”

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Matewu 17:27

Aniko, kasiku hi si va khuvekisi, tsula lineneni u txi ya dota, teka txihaka txo khata txi no ñolwa ngu ndowo. Txi tule txisofu, u na mana male ya txitateri; yi teke u txi dihela ngu ngani ni nawe.”