Luka 16:9 - Bhiblia Yo Sawuleka

⁹ “Ngu toneto, na mi gela ku khani: Txhatani vandoni ngu thomba yo mbi lulama, kasiku, mbimo yi mi no gumelwa, vona va na mi amukela tinyumbani ka wutomi wo mbi guma.

Luka 16:9 Referans Kwoze

Matewu 19:21

Jesu a to xamula, a txi khene: “Ngako u txi lava kumaha m'thu wo hetiseka, tsula u txi ya xavisa sotshe si u ku naso, u txi ninga sisiwana, u na ya mana thomba nzumani; se ngono u txi ni londisa.”

Matewu 6:24

“Ku walo m'thu wu a sikotako kuthumela vakoma vambidi, nguko mwendo a na vengela mmweyo e dhunda mmwani, mwendo a na namarela ka mmweyo e kanyisa mmwani. Kha mi na kusikota kuthumela Txizimu ni thomba ya mafu.”

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Luka 16:11

Ngu toneto, ngako mi sa ziva kumaha vo thembeka amu kuxayisani ka txuma txi i ku si nga txa txinene, mi na sikotisa kutxani kumahwa vaxayisi va sile i ku sa sinene kani?

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Luka 14:14

Eho u na va u di katekile, nguko evo kha va na so kutshumetela ngu sona. Kambe kuwukani ka valulami u nata tshumetelwa.”

Luka 12:33

“Xavisani simaha sanu, mi txi vhuna sisiwana. Mahani mikwama yo mbi sakala, mi txi veketa txuma txanu txo mbi guma nzumani, amuwa ku si tshuketiko dikhamba, hambi sumba yi si doliko.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Luka 16:13

“A walo wu a sikotako kuthumela vakoma vambidi: Nguko mwendo a na nyenya mmweyo, a txi randa mmwani; mwendo a na namarela ka mmweyo, a txi kanyisa mmwani. Kha mi na kusikota kuthumela Txizimu ni tithomba ta mafu.”

Mithumo 10:31

‘Korneliyo, mikombelo yako yi engisilwe, ni wuha wako wu hokile masoni ka Txizimu, wu ya maha txikhumbukiso ka txona.

Matewu 6:19

“Mi nga ti sengeleteleni tithomba ha mafuni, ahawa kubhirela ni sumba si dyako, ni hawa makhokhokho ma dolako ma txi pa.

Judha 1:21

ti veketeni lirandoni ka Txizimu, mi txi veka kuthemba kwanu ka wumbilu wa Mkoma Wathu Jesu Kristu, kasi ku mi na mana wutomi wo mbi guma.

Mithumo 10:4

Ene ngako a di yi woni a to dhuka ngu kuthava, a txi khene: “Nji txani txi kuho, kani Mkoma kani?” Ngelozi yi txi kwakwe: “Mikombelo yako ni wuha wako si hokile ka Txizimu, se txona txi ku alakanyile.

Ekleziyaste 11:1

Rinza dipawu dako txitimwi ka mati, nguko msana ka masiku amangi, u na di mana.

Mavingu 23:5

Ina u nga dhuka u ronokela sa kuva i si nga sa txilo kani? Nguko eso si na ti mahela tibhapi si purumela nzumani kufana ni digama.

Isaya 57:16

Nguko kha ni na mbi lwa kala kupinduka, hambi kuya masoni ngu kuhenya; nguko moya wu nga guma mtamo masoni kwangu, ni mihefemulo yile ni nga yi va nga.

Masalmo 73:26

Hambi ngako mmidi wangu wu txi karala, Txizimu ngu txona txi ningako mtamo mbilu yangu; ngu txona i kuthomba yangu yo mbi guma.

Luka 16:4

Na tiziva ati ni no maha, kasiku ni txi mana wo ni amukela m'tini kwakwe, mbimo yi ni no humiswa mthumoni.’

Mavingu 14:24

M'bhoti wa titxhari ngu thomba yawe, wuphukuphuku wa siphukuphuku ngu wuphukuphuku wa sona.