Luka 16:7 - Bhiblia Yo Sawuleka

⁷ Sekoko a nje khene ka mmwani: ‘Awe-ko, mtengo muni u nga txeneka kani?’ Ene a xamute a txi khene: ‘dizana da mipimo ya fulaho.’ Mxayisi a to khene kwakwe: ‘Teka diphepha dako u bhala ku i mtxhanu wa magumi ni mararu.’

Luka 16:7 Referans Kwoze

Luka 20:12

Ene a to engeta e ruma txa wuraru. Neneyo va to mpeka, ve mu tovela.

Luka 20:9

Se a to khata kugela vathu txidinganiso txiya: “M'thu wokari a phayile thembwe ya mivhinya, se e yi siyela manzani ka vadimi, se e teka dipfhumba da kuendela matikoni ka kule, mbimo yo lapha.

Matewu 18:28

Aniko txithumi txiya, ngako txi di mani wammweyo wa txithumi kulowe, awuwa a nga ti ni mnandu ka txona wa dizana da madhenari, txi to mkama makolo, txi txi kha txona: Ni dihe male yangu!

Luka 2:37

A ti tekilwe i di ngadi mbiri, e zumba ni mwamna wakwe mtxhanu wa malembe ni mambidi. Se konkuwa i ti noni ya mtxhanu ni mararu magumi, ni mune wa malembe. A ti si khukhi Dithepeleni, amuwa a nga txi khozela Txizimu, ngu kutitona sakudya ni kumaha mikombelo wusiku ni mitshikari.

Luka 16:6

Se ene a ti khene: ‘Dizana da mipimo ya mtona.’ Ene a to khene kwakwe: ‘Kuluveta u txi khalahatsha, u txi bhala ku mtxhanu wa magumi a mipimo.’

Luka 16:8

Ngu konaho, nyamne wa tithomba a xamate wutxhari wa muwoneleti wule wo biha, nguko vanana va ditiko diya, va txharihile ngutu amu ka kuthumisana ni va liveleko lakwe, kupinda vanana va liwoningo.”