Luka 16:3 - Bhiblia Yo Sawuleka

³ Se muwoneleti a to pimisa mbiluni kwakwe a txi khene: ‘Ni na txani kuwa, ngako nyamne wangu a ni humisako ha mthumoni kani? Kudima kha ni sikoti, kutsimbila ni kombela, ka ni thela tingana.

Luka 16:3 Referans Kwoze

2 Vatesalonika 3:11

Se hi ti pfite ti to hagari kwanu, ku ni vathu va hanyelo ya ku ti hunda, ava va ti ningetelako ka so mbi nyawula, va txi leka kuthuma.

Mithumo 3:2

Ha txikeni ka Dithepele, ahawa ku nga ti dhanwa ku Txike txo Tshura, a ti ti ho m'thu wokari, a nga velekwa i di txidiya, awuwa va nga txi tolovela ku mu gula, otshe masiku, va ta mu veka kona hale, kufela ku e kombela sa kuhiwa ka vale va nga txi wulela Dithepeleni.

Johani 9:8

Sekoko vaakelani vakwe ni vale va nga ti m'wonile ti to a hanya ngu kukombela, va to womba va txi kha vona: “Ina hi nga ene wule a nga ti khalahatshile e kombela kani?”

Luka 18:4

Ngu mbimo yayingi, ene a lambile ku mu engisa. Msana keto, a to pimisa ene apune, a txi khene: ‘Hambiko ni si thaviko Txizimu, kambe ni si xoniphiko vathu,

Luka 16:22

Se ti mahekile ti to txisiwana txile txi fa, txi tekwa ngu tingelozi, txi yiswa ha khanani ka Abrahamu. A to fa nene nyatithombe, se a txi kelelwa.”

Luka 16:20

Se ku ti ni txisiwana, txi nga ti dhanwa ku i Lazaro, awu a nga txi zumba ha txikeni ka wule wa tithomba, a di tate ngu mazuku a silonda.

Luka 12:17

Konaho ene a to pimisa a txi khene: ‘Ni na mahisa kutxani kani? Kha ni nga ni wukhalo wo veka kona silo sangu!’

Marku 10:46

Va to hoka Jeriko. Se ngako Jesu a txi huma ngu Jeriko ni vagondiswa vakwe ni dibutho da vathu votala, Bhartimewu, mwanana wa Timewu, awu i nga ti dibhofu da kuzumba ha nzila a txi kombela,

Hoseya 9:5

Mi na maha txani anu ka ditshiku da mpipi ni ka ditshiku da m'buso wa Mkoma kani?

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Isaya 10:3

Mi na maha txani anu vamwani ngu ditshiku da txitsayiso, ni da kulovisa kule ku nota ngu kule kani? Mi na tutumela ka mani kuya lava kuvhunwa kani? Tithomba tanu mi na ti veka hani kani?

Mavingu 29:21

Awule a fuyako txithumi txakwe ngu ku txi hena kukhukhela wananani ka txona, msana keto, txona txi na lava ku ti maha mwanana wakwe.

Mavingu 20:4

Mkara kha dima ngu mbimo ya wuxika, ngu kumaha keto, ngu mbimo yo funyela a na kombela, aniko kha na mbi amukela txilo.

Mavingu 19:15

Wukara wa maha m'thu e otela wukohe wo tshima, kambe m'thu wo kanganyisa a na fa ngu nzala.

Mavingu 18:9

Nene wule a thumisako kuonhetela, mmweyo ni mxakeli.

Mavingu 15:19

Nzila ya mkara, yi fana ni lisanzu la mipa, aniko txinzilana txa vo lulama txi zumbisekile.

Mavingu 13:4

Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Esteri 6:6

Se a di wulete Hamani, mfumeli a to khene kwakwe: Hi na mmahela txani m'thu wule mfumeli a navela ku mtxhatxhazela kani? Sekoko Hamani a to khene mbiluni kwakwe: I mani mmwani a navelako kudhumiswa ngu mfumeli wo pinda ani kani?

Mithumo 9:6

Aniko khukha u txi wulela didhoropani, se u na gelwa ti u fanelako ku ti maha.”

Matewu 20:8

Na ku txi khata kumaha minova, nyamne wa thembwe ya mivhinya, a to gela mxayisi wa tithomba takwe a txi khene: ‘Dhana sithumi u txi si holela nthumo wa sona, aniko u na khata ngu vale vo gwitisa, kala u txi ya gwitisa ngu vale vo khata.’

Luka 16:2

Se nyamne a to m'dhana a txi khene kwakwe: ‘Nda txani ti ni ti pfako ngu mhaka yako kani? Hinga txhamusela mhaka ya mthumo wako, nguko khu na mbiswa u txi maha muwoneleti wa simaha sangu.’

Luka 16:4

Na tiziva ati ni no maha, kasiku ni txi mana wo ni amukela m'tini kwakwe, mbimo yi ni no humiswa mthumoni.’