Luka 16:29 - Bhiblia Yo Sawuleka

²⁹ Aniko Abrahamu a xamute a txi khene: ‘Vona va na ni Mlayo wa Mosi ni tigondo ta Vaprofeti, va na va engise.’

Luka 16:29 Referans Kwoze

Mithumo 15:21

Nguko kukhukhela ka timbimo ta kale, Mosi ana ni vagondisi ka otshe madhoropa, ava va gondako dibhuku da Milayo yakwe masinagogani, otshe masiku a Sabbata.”

Luka 24:27

Sekoko, a to khata ngu mibhalo ya Mosi ni ya vaprofeti e va txhamusela totshe ti ti wombawombako ngu ngene mu ka Mibhalo yotshe.

Luka 16:16

“Mlayo ni tigondo ta Vaprofeti ngu sona si nga txi thuma kala kuza e hoka Johani Mubhabhatisi; kukhukhela konako, Evhangeli ya Mfumo wa Txizimu ya txhumayelwa, se mmweyo ni mmweyo wa ti karata kufela kuwulela ka wona ngu mtamo.”

Isaya 34:16

Lavani mu ka dibhuku da Mkoma, mi gonda: Kha txi ngaho ni txa tximwetxo txi no tandeka, kha ku na mbi pwateka ni txa tximwetxo hambi tximwani; nguko txisofu txakwe txipune txi leletile, kambe moya wakwe wupune wu na si sengela.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Luka 4:17

Va to mninga dibhuku da mprofeti Isaya. Mbimo yi a ngadi tula, a to mana wukhalo wu ku nga bhalwa tito:

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Vagalatiya 4:21

Anu mi lavako kufumwa ngu Mlayo, hingani ni gela, mwendo ma tiziva ti Mlayo wu wombako tona kani?