Luka 16:25 - Bhiblia Yo Sawuleka

²⁵ Abrahamu a xamute a txi khene: ‘Mwanangu, alakanya ti to awe u amukete mathomo ako kuhanyani kwako, aniko Lazaro ene a amukete sixaniso; se konkuwa ene wa mana kuruliswa mbilu, aniko awe wa mana sixaniso.

Luka 16:25 Referans Kwoze

Luka 6:24

Aniko, dikhombo danu anu vanyatithombe, nguko mi ku mani kale kuthavelelwa kwanu.

1 Johani 2:15

Mi nga randeni ditiko, hambi ni si si ku ha mafuni. Awu a randako mafu, lirando lo randa Tate kha li nga ho kwakwe.

Masalmo 17:14

ni hulukise, Mkoma, ngu diwoko dako ka va vo biha, va fuvise ka ditiko diya. Ka vale va kuthembako va ninge tithomba to tala, ti dinganako kukhurisa vanana vawe ve tshumela ve khurisa ni vatukulu vawe.

Marku 9:45

Ngako mkondo wako wu txi kumahisa txionho, wu wile; ta vhuna ngutu kwako kuwulela kuhanyiswani na u txi khwita, kupinda kuyiswa Gehena u di ni yotshe mikondo yako,

Varoma 8:7

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Vahebheru 11:25

A ti woni i di tshuko kuxaniseka kumweko ni vathu va Txizimu, kupinda ku ti tsakisa mbimo ya yidotho ngu kuhanya txionhoni.

1 Vatesalonika 3:3

Kasiku, ni wammweyo asi vi ni kukarateka ngu mhaka ya sixanisoso, nguko ma tiziva ti to ngu yoneyo nzila yathu.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Luka 16:23

“Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe.

Luka 16:20

Se ku ti ni txisiwana, txi nga ti dhanwa ku i Lazaro, awu a nga txi zumba ha txikeni ka wule wa tithomba, a di tate ngu mazuku a silonda.

Dhaniyeli 5:30

Ka wona wusiku wule, Bhelxazari, mfumeli wa Vakaldheya a to dawa.

Sidilo 1:7

Khumbula awe Jerusalema, ka masiku a kuxaniseka ni ku ti lambisa kwako ni sotshe si u nga ti si dhunda, si u nga ti naso ngu kale; mbimo yi vathu vako va nga ti ti wa manzani ka mlala, se ene a ti si nga ni muhefemuti valala va muwoni va txi poyila kuwa kwakwe.

Masalmo 49:11

Mapimo a mndani kwawe, ngu tito, tinyumba tawe nda yotshe mbimo, ka liveleko ni liveleko; matiko awe va ma raya matina awe vapune.

Jobe 22:18

Wona, ene a tatile tinyumba takwe ngu silo; ngu kumaha keto, wudhota wa vaonhi wu nave kule ni nani!

Masalmo 73:7

Timbilu tawe ti tate ngu wubihi ti txi thekelela se misungo yawe yi tate ngu mialakanyo yo biha.

Matewu 27:63

veya mu gela tiya: “Awe mfumeli, ha khumbula ti to mxengeteli wule a wombile, a di ngadi a txi hanya, a txi khene: ‘Ni na wuka ngu ditshiku da wuraru.’

Luka 16:26

Hahanze ka toneto kambe, ku na ni mkova wa kuhokoma ngutu hagari kwanu ni nathu, se ngu konaho, ava va lavako kutshawunyeta va txi ta kheyo kwanu kha va na kusikota, hambi anu kheyo kha mi na kusikota kutshawunyeta mi txi ta kheno kwathu.’ ”

Dhewuteronome 28:17

Txi na ruketelwe txirundu txako ni ditxhelo dako.