Luka 16:23 - Bhiblia Yo Sawuleka

²³ “Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe.

Luka 16:23 Referans Kwoze

2 Pedro 2:4

Ngu toneto, ngako Txizimu txi nga mbi divalela tingelozi ti ti nga onha, aniko txi ti rinzile maphalani ka txidema txa Gehena, ahawa ti woneletwako kala ditshiku da kulamulwa,

Luka 16:28

Nguko ni ni mtxhanu wa vanathu, kasi ku eya fakaza kwawe, ti to va si tiswi ka wukhalo wuwa wa sixaniso.’

Matewu 23:33

Minyoka-nu, lixaka la timamba! Mi na hulukisa kutxani kuavanyiswani ka gehena?”

Matewu 18:9

Se ngako diso dako di txi kukhuvekisa, diphokonyole u txi di tshotsha kule ni nawe; nguko i txhuko kwako kuwulela kuhanyani ni diso dimwedo, kupinda kutshotshwa Gehena ka mndilo u di ni maso a mambidi.”

Masalmo 9:17

Vathu vo biha ni mahedheni, va kanetako Txizimu, magwito awe ngu kuya mndiloni.

Mtuletelo 20:10

Dhiyabhulosi wu a nga ti va xengetela a to vinzwa txizivani ka mndilo ni txivavula, amu se txi nga ti ti kona txikalani ni mprofeti wa makuhu. Va na zumba ve dyiswa mihumbo wusiku ni mitshikari, ngu hawa ku si gumiko.

Luka 8:28

Ku ti ngako a di woni Jesu, a to kwangula e ti wisa hahatshi masoni kwakwe, a txi womba ngu dipswi da hombe a txi khene: “I mhaka muni ni ku nayo ni nawe, Jesu, Mwanana wa Txizimu Nyatxitimwi? Na ku kombela, u nga ni xanise.”

Matewu 5:29

Ngako diso dako da txinene di txi kukhuvekisa, di phokonyole, u txi di tshotsha kule ni nawe nguko i txhuko kuluzekelwa ngu txihango txako txa tximwetxo, kupinda kutshotshwa mndiloni ka Gehena wotshe mmidi wako.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Isaya 14:15

Hambi keto, u na yiswa mndiloni, ka diphala do hokoma.

Isaya 14:9

Xeyoli, kukhukhela hahatshi ko tshima, ku xanisekile ngu kulava awe, kasi ku ku hingeta kutani kwako; ku ku wusete vafi, ni votshe vathangeli va ha mafuni, kambe a va khukhisile ngu ha situluni ka wukoma, votshe vafumeli va matiko.

1 Vakorinto 15:55

Awe lifo, kuxula kwako ku hani? Awe lifo, mndombo wako wu hani, kani?

Matewu 11:23

Se awe Kapernawume, u na guletwa u txi hokiswa nzumani kani? Lambi! U na txhikiswa diphalani ka vafi. Nguko sidiwukiso si si nga mahwa kwako, idiku si ti ko mahwa Sodhoma, didhoropa donedo ngadi ti ngadi ho kala nyamsi.

Matewu 8:29

Vona va to peka huwa va txi kha vona: “I mhaka muni hi ku nayo ni nawe, Jesu Mwanana wa Txizimu kani? U tile hawa ku ta hi xanisa, yi sinzi kuhoka mbimo kani?”

Mavingu 15:24

Nzila ya wutomi ya guleka ka wule a ku ni mapimo, kasi e hambana ni kuhiswani, ku manekako hahatshi.

Mavingu 9:18

Aniko kha va ti zivi taku kona hale vaho vofa, ni ti taku vale va nga rambwa va mndiloni ko tshima.

Mavingu 7:27

Mtini kwakwe ku ni tinzila to yisa dithithani, ti yisako tinyumbani ka lifo.

Mavingu 5:5

Mikondo yakwe yi relela kufani; mikondo yakwe yi tserama mndiloni.

Masalmo 86:13

nguko wunene wako mbwa hombe kwangu; u ni ponisile ka diphala da lifo!

Masalmo 49:15

Kambe Txizimu txi na tirula wutomi wangu, txi na wu hulukisa mtamoni ka lifo.

Masalmo 16:10

Awe Mkoma, khu na mbi ni leka ka wukhalo wa vafi, kambe khu na mbi tumela ti to msawuleki wako e sina diphalani.

Luka 16:24

Konaho a to kwangula a txi khene: ‘Tata Abrahamu, ni size u ruma Lazaro, eya nakanisa tshoka ya litiho ngu mati, a txi ta ni timula lidimi, nguko na xaniswa ngutu ha mdhikilani hawa ka mndilo.’