Luka 16:20 - Bhiblia Yo Sawuleka

²⁰ Se ku ti ni txisiwana, txi nga ti dhanwa ku i Lazaro, awu a nga txi zumba ha txikeni ka wule wa tithomba, a di tate ngu mazuku a silonda.

Luka 16:20 Referans Kwoze

Mithumo 3:2

Ha txikeni ka Dithepele, ahawa ku nga ti dhanwa ku Txike txo Tshura, a ti ti ho m'thu wokari, a nga velekwa i di txidiya, awuwa va nga txi tolovela ku mu gula, otshe masiku, va ta mu veka kona hale, kufela ku e kombela sa kuhiwa ka vale va nga txi wulela Dithepeleni.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Jakobe 1:9

Mwanathu wu a ku wusiwanani, a na tsake ngako a txi guletwa.

Luka 16:21

A ti ti navela kukhura ngu maruru awa ma nga txi wa ngu ha mezani ka nyatithombe. Hambi timbwa ti txi ta ti ta danzela silonda sakwe.

Jobe 2:7

Sekoko Sathani a to khukha masoni ka Mkoma, eya peka Jobe, ngu txivango txo biha, kukhukhela hahatshi ka mkondo kala txitimwi ka msungo.

1 Samuwele 2:8

Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

Jeremiya 8:22

Ina kha ku nga ni mrende Gileyadhi, mwendo kuwalo ñanga koneyo kani? Ngu txani koko, a nga mbi kalamukiswa mwanana wa txisikati wa vathu vangu kani?

Isaya 1:6

Kukhukhela hahatshi ka mkondo kala ha msungo, kha ku na txilo txi txi hanyako kha kwati; mmidi wotshe wu tate ngu silonda ni kusimba, ni mazuku a silonda so sina so mbi kuwulwa, hambi kusungelelwa; ni ku nakaniswa ngu mafura.

Masalmo 73:14

Ditshiku ni ditshiku ni wo xaniseka; mixo ni mixo ni wo tsayiswa.

Masalmo 34:19

Vathu vo lulama va dukwa ngu sixaniso so tala, aniko Mkoma wa va hulukisa ka sotshe.

Johani 11:1

A ti ti ho m'thu wokari wa kulwala, a nga ti dhanwa ku i Lazaro, wa Bhetaniya, mkhokholani ka Mariya ni Marta, mwanawe.

Matewu 26:71

Se a di khukhile ha txikeni, a to wonwa ngu tximwani txithumi txa wamsikati, awu a nga gela ava va nga ti ti ho konaho, a txi khene: “Awuwa nene a ti kumweko ni Jesu wa Nazareta.”

Luka 16:19

“Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku.