Luka 16:2 - Bhiblia Yo Sawuleka

² Se nyamne a to m'dhana a txi khene kwakwe: ‘Nda txani ti ni ti pfako ngu mhaka yako kani? Hinga txhamusela mhaka ya mthumo wako, nguko khu na mbiswa u txi maha muwoneleti wa simaha sangu.’

Luka 16:2 Referans Kwoze

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

1 Pedro 4:10

Kota vaxayisi vavanene va tikateko ta Txizimu, mmwani ni mmwani kwanu a na vhune vakwawe ngu txiningo txi a nga hiwa.

1 Pedro 4:5

Kambe vona va na ya xamula ka wule a nga ti emisela kuya lamula vo hanya ni vo fa.

1 Timoti 5:24

Va ho vathu vava sionho sawe si wonekako ha kubasani, va sinzi kulamulwa, kasi sa vamwani si woneka msana keto.

Ekleziyaste 12:14

Nguko Txizimu txi na yisa mithumo yotshe kulamulwani, ni yotshe yi yi ku kusisalani, mwendo ya yinene, mwendo njo biha.

1 Timoti 4:14

U nga sakane ngu txiningo txi u ku natxo, atxi u nga amukeliswa ditshiku diya vahombe va dibanza va nga womba mapswi a ku kuphaxa, ve kusanzeka manza.

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

1 Vakorinto 4:2

Se vaaveli ta laveka va txi maneka i di vo thembeka.

1 Vakorinto 1:11

Ni womba tiya kwanu, vanathu, nguko ni getwe ngu vathu va Klowe, ti to hagari kwanu kuho kukanetisana;

Varoma 14:12

Ngu toneto, mmweyo ni mmweyo wathu a na ya ti xamulela masoni ka Txizimu.

Luka 12:42

Mkoma a xamute a txi khene: “Ngu wuhi muwoneleti wo thembeka ni kutxhariha, awu Mkoma a no mu veka masoni ka sithumi, kasiku e avela sakudya ngu mbimo yi yi lavekako kani?

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

Matewu 12:36

Ngu toneto, na mi gela ku khani: Totshe timhaka ta walo, ati va wombawombako vathu, va na ya ti xamulela ngu tona ka ditshiku da kuthethisa.

Matewu 20:8

Na ku txi khata kumaha minova, nyamne wa thembwe ya mivhinya, a to gela mxayisi wa tithomba takwe a txi khene: ‘Dhana sithumi u txi si holela nthumo wa sona, aniko u na khata ngu vale vo gwitisa, kala u txi ya gwitisa ngu vale vo khata.’

Luka 16:1

Ene a wombile kambe ka vagondiswa vakwe txidinganiso txiya: “Ku ti ni wamwamna wokari wa tithomba, a nga ti ni mxayisi wa m'ti wakwe. Se mamoyo a to mangalelwa masoni ka nyamne wa tithomba, va txi kha vona wa hangalasela thomba yakwe.

Luka 16:3

Se muwoneleti a to pimisa mbiluni kwakwe a txi khene: ‘Ni na txani kuwa, ngako nyamne wangu a ni humisako ha mthumoni kani? Kudima kha ni sikoti, kutsimbila ni kombela, ka ni thela tingana.