Luka 16:19 - Bhiblia Yo Sawuleka

¹⁹ “Ku ti ti ho m'thu i nga ti nyatithombe, awu a nga txi ambala tinguwo ta masilika o bhilivila ni linya ya lisima ngutu, a txi dya sa kutshamba otshe masiku.

Luka 16:19 Referans Kwoze

Ezekhiyele 16:49

Wubihi wa mwananu Sodhoma ngu wuwa: Kutikulisa, kulondola sakudya, wukara wakwe ni vanana vakwe vamahorana; aniko kha zivi kuthumisa manza a txisiwana ni awule wo pwata so maha.

Ezekhiyele 27:7

M'jiyo wako wo lukwa i ti ti wa disilika da Egipta, kasi ku wu maha ditanga; da mkuxe ni kubhilivila, sitondoloni ka Elisi i ti ti didhamba dako.

Mtuletelo 18:16

va txi kha vona: “Ayiwe, ayiwe, Didhoropa da Hombe! Adi di nga ti ambala linya ya lisima; disilika ni nguwo yo bhilivila, di nga ti ti bombisa ngu nzalama, marigwi a lisima ni tidhayimana!

Mtuletelo 18:7

“Madingano ni ku ti dhumisa kwakwe ni kutikulisa kwakwe, m'tshumeteleni ngu sixaniso ni makhombo nguko mbiluni kwakwe a ti ti khene:” “Ni khalahatshile nga khosikazi, kha ni nga noni, txima kha ni na mbi va ni txidilo.”

Mtuletelo 17:4

Wamsikati a ti ni syambalo sa masilika o bhilivila, a di bombile ngu nzalama, ni marigwi a lisima la hombe ni maperola; manzani a ti ni digombe do mahwa ngu nzalama, di di tate ngu sa manyala: I nzambwa ya wugelegele wakwe.

Luka 16:1

Ene a wombile kambe ka vagondiswa vakwe txidinganiso txiya: “Ku ti ni wamwamna wokari wa tithomba, a nga ti ni mxayisi wa m'ti wakwe. Se mamoyo a to mangalelwa masoni ka nyamne wa tithomba, va txi kha vona wa hangalasela thomba yakwe.

Marku 15:17

Msana keto, va to mu ambeka nguwo ya disilika do bhilivila, ve luka tshimbo ya mipa, ve yi gemeka ha msungo kwakwe.

Ezekhiyele 16:13

Se ngu kumaha keto, u to tshuriselwa ngu nzalama ni silivhela, ni syambalo sako nza disilika do hehuka, ni disedha, ni so lukelwa; u ndyisilwe ngu mpupu, ni wulombe, ni mafura; kambe u tshurile ko pindeletisa, u manile kuhumelela, uza u hoka kuva mfumeli wa txisikati.

Esteri 8:15

Sekoko Mordhekayi a to khukha masoni ka mfumeli a di ambate syambalo sa wukoma sa mkuxe ni so basa, kambe a di ni m'bhoti wa hombe wa nzalama, ni dijasi da linyu yo hehuka da txiwunguwungu, se didhoropa da Susani di to kwangula di tsaka.

Valamuli 8:26

Se kunemela ka tiphera ta nzalama, ati ene a nga kombela, ku ti ti hoka ka magumi mambidi a makilu a nzalama, ku si balwi ni masinda, tiketani ni syambalo sa masilika, asile vafumeli va Vamidhiyani va nga ti ambate, na ku si balwi kambe ni tiketani ta tithamoni ka makamelu awe.

Luka 15:13

Msana ka masikuanyana madotho, awu wa mnanda a to pakela thundu yakwe, e khukha a txi tsula ka ditiko da kule, a txi ya hangalasela thomba yakwe, ngu kuhanyisa ku ambi ti pimela.

Marku 15:20

Msana ka kuva va di mu tseketsete, va to mu thavisa nguwo yile yo bhilivila, ve mu ambeka syambalo sakwe. Sekoko va to mteka kasi kuya mu bethela ha txihambanoni.

Mavingu 31:22

Wa ti vekela so ateta hahatshi; a ambala sa masedha o hehuka, ni sa txiwunguwungu.

Luka 16:18

“Wuhi ni wuhi a lekako msikati wakwe e teka mmwani, wa maha wugango; se awu a tekako wu a nga lekwa ngu mkatakwe, wa maha wugango.”

Luka 16:20

Se ku ti ni txisiwana, txi nga ti dhanwa ku i Lazaro, awu a nga txi zumba ha txikeni ka wule wa tithomba, a di tate ngu mazuku a silonda.

Mavingu 14:24

M'bhoti wa titxhari ngu thomba yawe, wuphukuphuku wa siphukuphuku ngu wuphukuphuku wa sona.

Isaya 3:23

sibuko, ni mahembe a linyu yo hehuka, ni mafadhuko, ni masilika.