Luka 15:4 - Bhiblia Yo Sawuleka

⁴ “I mani hagari kwanu, awu a ku ni 100 da tinvuta, se a txi mwalalelwa ngu yimweyo, asi siyiko ti timwani ta mtxhanu wa magumi ni mune, ni mtxhanu wa tinvuta ni mune txiwulani, a txi londeta ayi yi nga mwalala, kala kuza a txi yi mana, kani?

Luka 15:4 Referans Kwoze

Ezekhiyele 34:16

Ni na tsimbila ni lava yile yo mwalala, kambe ni na wuyisa yile yo penga, ni txi tsanisa yile yo khudukiswa, ni kuthuma yile yo lwala; aniko ayile yo ena ni yile ya mtamo ni na ti khundumusa; tona ni na ti dyisa ngu wululamo.

Luka 19:10

Nguko kunene Mwanana wa M'thu a tete ku ta lava ni kuhanyisa ava va nga ti mwalate.”

1 Pedro 2:25

Nguko, mi ti ti fana ni tinvuta ta kuhangalaka, aniko akuwa mi tshumete mi wuya ka M'dyisi ni Muwoneleti wa mimoya yanu.

Matewu 12:11

Ene a ti khene kwawe: “I mani hagari kwanu, awu a ku a di ni nvuta, yi txi wela diphalani ngu ditshiku da Sabbata, asi yi ñoliko a txi yi humisa kani?

Ezekhiyele 34:31

Anu koko, anu tinvuta tangu, tinvuta ta wudyiselo wangu; mi vathu, aniko ani ngani Txizimu txanu, kuwomba Mkoma Txizimu.

Masalmo 119:176

Ni pepesekile kufana ni nvuta yo mwalala; tsimbita txithumi txiya txako, nguko ani kha na divala sirumo sako.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Jeremiya 50:6

Vathu vangu ndinvuta to mwalala, vadyisi va tona ngu vona va nga ti mwalata, va ti lekile ti txi pengela kuya mimangoni, ti si alakanyi kutshumelela dizumboni ka tona.

Luka 13:15

Aniko Mkoma a mu xamute a txi khene: “Anu vaxengeteli, ina mmwani ni mmwani kwanu kha thukunyuli homu mwendo mbongola yakwe, ngu txibalani, a txi yi yisa kuselani ka mati ngu Sabbata kani?

Ezekhiyele 34:8

Na hanya ani, kuwomba Mkoma Txizimu, kuwoneka taku tinvuta tangu ti ningetwe kuñolwani, se ti mahile to dyiwa ngu sotshe sihari sa txitinga, ngu kupwateka ka vadyisi, kambe vadyisi vangu kha va tsimbili ve lava tinvuta tangu, aniko vo ti dyisa vona vapune, kha va dyisi tinvuta tangu,

Varoma 2:1

Ngu toneto, awe, hambi u di mani ni mani u lamulako vamwani, khu nga ni divalelo, ngako u txi lamula vamwani, wo ti abanisa upune, nguko na nawe wa ti maha tona ti u lamulako ngu tona vamwani.

Jeremiya 33:13

Ka Madhoropa a mimangoni, ni madhoropani a tibalani, ni madhoropani ka mswa-ditambo, ni ditikoni ka Bhenjamini, ni madhawani ka Jerusalema, ni madhoropani ka Judha, sifuyo si ngadi si txi na pinda ngu manzani ka vabali, kuwomba Mkoma.

Ezekhiyele 34:4

Kha ma tsanisa yile yo pwata mtamo, kha ma thuma yile yo lwala, kha ma lunganyetela yile yo khudukiswa, ayile yo penga kha ma yi wuyisa, kambe kha ma tsimbila mi lava yile yo mwalala; aniko mo ti khozisa ngu kunemetisa ni kukarata.

Luka 15:3

Konaho ene a to va mahela txidinganiso txiya: