Luka 15:27 - Bhiblia Yo Sawuleka

²⁷ Ene a mgete ku khene: ‘I Mnanda wako a nga wuya, se tate wako a date dirole do nona, nguko a mu amukete a txi hanya kwati.’ ”

Luka 15:27 Referans Kwoze

Filimoni 1:16

na i si nga ngadi khumbi, aniko a txi va i di wu a pindako khumbi, mwanathu wo randeka, kambe ene mbwo randeka ngutu kwangu, ngutu-ngutu kwako nawe, a na va i di wo randeka ngu ka wuthu ni ka Mkoma.

Mithumo 22:13

Ene a ni tete, a ta ni gela ku khene: ‘Sawule, mwanathu, tshumela u wona.’ Se kunukunuko ni to tshumela ni tuleka maso, se ni khata ku mu wona.

Mithumo 9:17

Ananiya a to tsula eya wulela nyumbani e msanzeka manza, a txi khene: “Sawule, mwanathu, Mkoma Jesu wu a nga ti wonekisa kwako hanzila, yona yi u nga ta ngu yona, ngene a nga ni ruma kasiku u tshumela u txi wona, u tala ngu Moya wo Sawuleka.”

Luka 15:30

Aniko a wuyile mwanana wu wako, a nga xakela suma sako ni magelegele, se ene u m'dayete dirole do nona!’

1 Samuwele 28:24

Se wamsikati a ti ni dirole do nona m'tini kwakwe, a to kuluveta e di daya, e teka mpupu e wu vhuva e bhika simbwanda sa kwa mbi tshumbelwa.

Matewu 22:4

A to engeta e ruma simwani sithumi, a txi si leleta a txi khene: ‘Gelani avale va nga rambwa, mi txi khanu: Sakudya si lulamile; ni date tihomu tangu ni sifuyo sangu sa kunona, sotshe si lulamisetwe. Ngonani m'busoni!’ ”

Luka 15:26

A di dhani mmweyo wa vale va sithumi, a to mu wotisa ku khene: ‘Atile nda txani!’

Luka 15:28

Kambe ene a to henya ngutu, se asi lavi kuwulela. “Tate wakwe a to huma, a txi ya mkhongotela.