Luka 15:24 - Bhiblia Yo Sawuleka

²⁴ nguko mwanana wu wangu, a nga ti fite, se a tshumete a txi hanya, a ti mwalate, se e tshumela e manwa.’ Se va to khata kubusa.”

Luka 15:24 Referans Kwoze

Vaefesu 2:5

hi nga ti fite ngu mhaka ya sionho sathu, txi hi hanyisile kumweko ni Kristu. Ina! Mi hanyisilwe ngu makatekwa.

Ezekhiyele 34:16

Ni na tsimbila ni lava yile yo mwalala, kambe ni na wuyisa yile yo penga, ni txi tsanisa yile yo khudukiswa, ni kuthuma yile yo lwala; aniko ayile yo ena ni yile ya mtamo ni na ti khundumusa; tona ni na ti dyisa ngu wululamo.

Vakolosa 2:13

Kale mi ti vathu va kufa ngu mhaka ya sionho sanu ni mhaka ya wukhutu wa nyama yanu, se Txizimu txi mi hanyisile kumweko ni Kristu. Txona txi hi divalete yotshe minandu yathu;

Luka 19:10

Nguko kunene Mwanana wa M'thu a tete ku ta lava ni kuhanyisa ava va nga ti mwalate.”

Vaefesu 2:1

Nananu mi ti fite ngu konaho ka minandu ni sionho sanu,

Luka 15:4

“I mani hagari kwanu, awu a ku ni 100 da tinvuta, se a txi mwalalelwa ngu yimweyo, asi siyiko ti timwani ta mtxhanu wa magumi ni mune, ni mtxhanu wa tinvuta ni mune txiwulani, a txi londeta ayi yi nga mwalala, kala kuza a txi yi mana, kani?

Luka 15:32

Ti ni fanelo kubusa, hi txi tsaka nguko mnanda wu wako a ti fite, e tshumela a txi hanya; a ti mwalate, e tshumela a txi manwa!’ ”

Varoma 6:11

Ngu toneto, na nanu ti maheni vakufa ka txionho, kufela ku mi txi hanyela Txizimu ngu Kristu Jesu.

Varoma 8:2

Nguko mlayo wa Moya wa wutomi awu wu ku ka Kristu Jesu wu ni txhatxhile ka mlayo wa txionho ni lifo.

Varoma 12:15

Tsakani ni va va tsakako, mi txi dila ni va va dilako

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Johani 11:25

Se Jesu a txi khene: “Ani ngani Kuwuka ni Wutomi; awule a kholwako kwangu, hambi a di fite, a na hanya.

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

1 Vakorinto 12:26

Ngako txihango txokari txi txi xaniseka, simwani sa abana kuxanisekako natxo; ngako txihango txokari txi txi dhumiswa, sotshe sihango sa tsaka kumweko natxo.

1 Timoti 5:6

Kasi awule a lavako ku ti mahela kuranda, eyo hambi a txi hanya, a fite.

Varoma 11:15

Nguko akuwa kutshuralelwa kwawe ngu Txizimu ku nga hinduka ku txi maha kuhuluka ka ditiko, ina kutshumela kwawe ve wuya kuhundulukani kha ti na mbi fana ni kuwuka ka vakufa kani?

Varoma 6:13

mi nga ningeleni sihango sanu kuonhani, si maha matxhari a ku ambi lulama, aniko ti ningeleni ka Txizimu, nga va va nga huma kufani, ve hanya, mi teka sihango sanu si maha matxhari a kululama, a kuthumela Txizimu.

Johani 5:21

Nga kuwa Tate a wusako vafi e va hanyisa, nene Mwanana wa hanyisa ava a va randako.

Marku 8:22

Se a to hoka Bhetsayidha; ve mtisela dibhofu, ve mkombela ti to e di gwesa.

Ezekhiyele 34:4

Kha ma tsanisa yile yo pwata mtamo, kha ma thuma yile yo lwala, kha ma lunganyetela yile yo khudukiswa, ayile yo penga kha ma yi wuyisa, kambe kha ma tsimbila mi lava yile yo mwalala; aniko mo ti khozisa ngu kunemetisa ni kukarata.

Mtuletelo 3:1

Ka ngelozi ya Dibanza da Sardhisi, bhala u txi: “A womba tiya awule a ku ni mtxhanu wa Mimoya ni yimbidi ya Txizimu ni tinyeleti ta mtxhanu ni timbidi: Na yi ziva mithumo yako: U na ni nduma ya ti to wa hanya, kasi u fite.

Judha 1:12

vathu vava ngu vona i ku sikhuvekiso mibusoni kwanu ka lirando; vadya va si na tingana, ve ti dyisa vapune, va fana ni marefu o mbi na mati, ma pengapengiswako ngu moya; mindonga ya wuxika yi si velekiko mihando, mindonga yi nga fa kumbidi yi txi dulwa ni mikoloti ya yona;

Luka 10:19

Wonani, ni mi ningile mtamo wa kukanda timamba, tihume, ni kuxula wotshe wurena wa Mlala, kuwalo txilo txi no sikota ku mi mahela to biha.

Genesisi 45:28

Israyeli a to womba, a txi khene: “Basi! Mwanana wangu Josefa a ngadi a txi hanya! Ni na tsula ni txi ya mu wona ni sanzi kufa!”

Isaya 66:11

Kasi ku mi na mama mi khura, ngu masi a kuthavelela kwakwe; kasi ku mi busa mi tsaka, ngu kuphatima ka wudhundo wakwe.

Matewu 8:22

Aniko Jesu a to khene kwakwe: “Ni londise, u txi leka vafi va txi tshotsha vafi vawe.”

Luka 9:60

Jesu a ti khene kwakwe: “Leka vafi va txi kelela vafi vawe. Kambe awe tsula u txi ya zivisa timhaka ta Mfumo wa Txizimu.”

Luka 15:23

Wuyisani dirole da kuena, di dayeni hi txi dya, hi maha msaho,

Luka 15:25

“Mwanana wakwe wa mkoma a ti ti thembweni. Se kuwuyani kwakwe, ngako a di hafuhi ni m'ti, a to pfa kuembelela ni sigingo sa kusinya.