Luka 15:22 - Bhiblia Yo Sawuleka

²² Aniko tate a to gela sithumi sakwe a txi khene: ‘Kuluvetani mi neha syambalo so tshura ngutu, mi m'bombisa, mu ambekeni ringi litihoni kwakwe, mu ambekeni tikathula mikondoni kwakwe.

Luka 15:22 Referans Kwoze

Mtuletelo 6:11

Konaho, mmweyo ni mmweyo wawe a to ningwa syambalo so basa, se ve gelwa kambe ti to veya masoni ngu kuhumulanyana, kala kuza kutatiseka mtengo wa vakwawe ni vanawe, ava va no dawa nga vona.

Esteri 8:2

Se mfumeli a to thavisa phera yakwe, yile a nga ti yi tekile ka Hamani e ninga Mordhekayi. Esteri a to veka Mordhekayi kuva mthangeli wa nyumba ya Hamani.

Genesisi 41:42

Se Faro a to thavisa phera ngu dianzani kwakwe, e yi veka ka dianza da Josefa, a to mu ambekisa syambalo sa linyu yo hehuka, a txi mu ambekisa liketani la nzalama thamoni kwakwe.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Esteri 3:10

Sekoko mfumeli a to thavisa phera ya manzani kwakwe e ninga Hamani, mwana Hamedhata, muagagi, mlala wa Vajudha.

Mtuletelo 19:8

Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Mtuletelo 7:9

Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Varoma 8:15

Ngu toneto, anu kha ma amukela moya wa wukhumbi ti to mi txi telwa ngu kuthava; aniko mi amukete moya wa ku mi maha vanana va mafuyiwa va Txizimu, moya wu wu hi ningako kutsana hi m'dhana ku: “Abba! Tata!”

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Vagalatiya 3:27

Motshenu mi nga bhabhatiselwa kwakwe Kristu, mi ambate Kristu.

Varoma 13:14

Aniko ambalani Mkoma Jesu Kristu, mi nga khataleleni mmidi, kasiku mi si londisi kunavela ka wona.

Ndando ya Tindando 7:1

Hi nga kutshura ka mikondo yako amu ka tikathula, awe dihorana da mfumeli! Tinyonga tako ti fana ni tidhayimani, to mahwa ngu manza a titxhari.

Masalmo 132:9

Vaphaxeli vako va na ambale wululamo, kambe vasawuleki vako va na tsake!

Masalmo 45:13

Mwanana wa muhorana wa mfumeli, ngene i ku wo woneka nyumbani kwako ka wukoma! Syambalo sakwe nza nzalama yo lukelwa!

Masalmo 18:33

Txi maha mikondo yangu yi txi nga ya mhoti ni ku ni veka txitimwi ka mimango.

Mtuletelo 3:18

Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

Vaefesu 6:15

Mi txi ambala tikathula mikondoni kwanu, kasi kuya txhumayela Evhangeli ya kudikha.

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Masalmo 132:16

Ni na ninga vaphaxeli va wona mtamo wa kulamulela vamwani se vasawuleki va kona va na tsaka ngutu.

Dhewuteronome 33:25

Sikhoto sako si na va sa simbi ni koporo; mtamo wako wu na simama nga masiku a kuhanya kwako.”

Luka 15:21

Mwanana a to khene: ‘Tata, ni onhete nzuma ni masoni kwako. Kha ni fanekelwi ngu kuwombwa ti to ni mwanana wako.’

Luka 15:23

Wuyisani dirole da kuena, di dayeni hi txi dya, hi maha msaho,