Luka 15:20 - Bhiblia Yo Sawuleka

²⁰ Se a to khukha, a txi tsula ka tate wakwe.” “Se ene a di ngadi kule, tate wakwe a to mu wona, a txi mu pfela wusiwana, a to tutuma a txi ya mu wukarela ngu mu ka thamo, a txi mu pswopswa.

Luka 15:20 Referans Kwoze

Masalmo 86:5

Nguko awe, Mkoma, u wamnene, wa divalela; wa amukela ngu mbilu votshe vale va ku khozelako.

Masalmo 86:15

Aniko awe, Mkoma, u Txizimu txa wunene ni wumbilu, u wa kutimisela, u di tate ngu wunene ni kuthembeka.

Vaefesu 2:13

Aniko anu kale mi nga ti kule ni Kristu Jesu, se konkuwa mi hafuhi ngu mnoha wa Kristu.

Isaya 49:15

Ina wamsikati a nga sikota kudivalisa eto mwanana wu a m'wunjako, asi mxanisekeli, mwanana wa mndani kwakwe kani? Aniko hambi i diku o m'divala, ani koko kha ni na mbi kudivala.

Genesisi 33:4

Sekoko Esawu a to tutuma e hingeta mnanda wakwe Jakobe, a to mñola, e mkhutarela, a txi mpswopswa, va txi dila ngu wumbidi wawe.

Vaefesu 2:17

Ene a tete ku ta huwelela mhaka ya kudikha kwanu mi nga ti kule ni ka vale va nga ti hafuhi.

Jeremiya 31:20

Ina Efrayime hi nga mwanangu a randekako kani? Txirandwa ngu mbilu kani? Nguko hambi ni txi m'wukela, na khumbula ngu kupinda mpimo mbilu yangu ya bhibhikela ngu mhaka yakwe, kambe ni na m'hawukela, kuwomba Mkoma.

Isaya 57:18

Ani na ti wona tinzila tawe, hambi keto ni na va hanyisa; kambe ni na va thangela ni tshumela ni va thavelela, ni vale va dilako navo.

Genesisi 46:29

Sekoko Josefa a to lulamisa txikotxikani txakwe a txi kwela ka txona, e hingeta tate wakwe Israyeli, ditikoni ka Goxeni. Mbimo yi a nga mu wona, a to ya khutarela tate wakwe ngu thamoni kwakwe, a txi mpswopswa, e maneka a txi dila mbimo yo lapha, a di khutarete tate wakwe mawokoni kwakwe.

Genesisi 45:14

Konako Josefa a to khutarela mnanda wakwe Bhenjamini ngu thamo, a txi dila. Nene Bhenjamini a to dila, a di khutarela ka thamo ya Josefa mkomwakwe.

Mithumo 20:37

Votshe va to khata kudila ngutu, va txi demberela m'thamoni ka Paulo,

Mithumo 2:39

Nguko awule a nga thembiswa a lumba anu ni vanana vanu, ni vale va ku kule, votshe vale va no dhanwa ngu Mkoma, Txizimu txathu.”

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

2 Samuwele 14:33

Sekoko Jowabhi a to ya wulela ka mfumeli e xawutela timhaka eto. Sekoko Abhisalome a to dhanwa, eya wulela ka mfumeli, e khizama e namisa khohe yakwe hahatshi masoni ka mfumeli; se mfumeli a to pswopswa Abhisalome.

Luka 15:19

Kha ni swi ni di ni fanelo yo dhanwa ku ni mwanana wako. Ni amukele u txi ni pata kumweko ni sithumi sako.’

Luka 15:21

Mwanana a to khene: ‘Tata, ni onhete nzuma ni masoni kwako. Kha ni fanekelwi ngu kuwombwa ti to ni mwanana wako.’