Luka 15:2 - Bhiblia Yo Sawuleka

² Aniko Vafarisi ni Vabhali va ti ti ngungurukela va txi kha vona: “Mamowa wa amukela vawomhi, a txi dya navo.”

Luka 15:2 Referans Kwoze

Matewu 9:11

Vafarisi va di woni toneto, va to womba ka vagondiswa, va txi kha vona: “Ti mahisa kutxani M'gondisi wanu e dya ni vakhupisi ni vaonhi kani?”

Luka 19:7

Mbimo yi va nga wona tiya, votshe va to khata kungungurukela, va txi kha vona: “A endela nyumbani ka muonhi.”

Luka 7:39

Ngako a txi ti wona, mfarisi wu a nga mu dhanela sakudya, a to pimisa mbiluni kwakwe, a txi khene: “Idiku mamowa wo va mprofeti, a ndi na m'ziva wu wamsikati a m'gwesako, ti to i mani, nguko ene njionhi.”

Luka 5:30

Se vabhali ni Vafarisi va to ngurangura, va txi kha vona ka vagondiswa vakwe: “Ngu kutxani mi txi dya ni kusela ni vakhupisi ni vaonhi, kani?”

Mithumo 11:3

ma txi kha ona: “Awe u wulete mitini ka makhutu udya nawo.”

Luka 7:34

Mwanana wa M'thu, ene a tile, wa dya ni kusela, mi txi khanu: ‘Hi nga wonani: Nyalimito ni didevi, mndoni wa vakhupisi ni vaonhi.’

Vagalatiya 2:12

Nguko mbimo yi va nga ti sinzi kubwaka ava va kuta ngu ka Jakobe, ene a ti ti dya kumweko ni va vo mbi ya wukwerani. Kambe mbimo yi vona va nga bwaka, a ti ti leka kudya navo, ngu kuthava va va wukwera.

Matewu 11:19

A tile Mwanana wa M'thu, wa dya, wa sela, se va kha vona: ‘Wonani nyalimitoyo ni didevi, mngana wa vakhupisi ni vaonhi.’ Aniko wuzivi wa Txizimu wu kombisile kululama ka wona ngu mithumo ya wona.”

Luka 15:3

Konaho ene a to va mahela txidinganiso txiya:

1 Timoti 1:15

Ni womba dipswi do thembeka ni da kuamukeleka ka votshe vathu: Kristu Jesu a tile ha mafuni ku ta hanyisa vaonhi, ava ani ni ku wo thanga kwawe.