Luka 15:16 - Bhiblia Yo Sawuleka

¹⁶ Ene a ti navela kukhura ngu makamba awa ma dyiwako ngu tikhumba, aniko a ti si nga ho ni mmweyo a nga txi mu ha.”

Luka 15:16 Referans Kwoze

Hoseya 12:1

Efrayime a ti dyisa ngu moya, kambe a londeta moya wa wutxani: Ditshiku dotshe a andisa makuhu ni kuhoxota, a maha txitumelelano ni Asiriya, se mtona wa kona wu yiswa Egipta.

Sidilo 4:5

Ava va nga ti tidya silo so nona konkuwa vawa ngu nzala mu tinzilani; avale va nga kula ngu kuambekwa tinguwo to vangama va handakasela amu matalani.

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Masalmo 142:4

Ni to tuve txinene kwangu, se ni wona; aniko kha na mana m'thu wo ni ziva; ni pwata ko thavela kona; kha ka maneka ni wammweyo wo khatalela moya wangu!”

Isaya 57:3

Aniko tshuketani hawa, anu vanana va mloyi wa txisikati, anu liveleko la wugango ni wugelegele.

Isaya 55:2

Mi xakelela txani male ka sile i singako sakudya kani? Ni mihando ya mthumo wanu, ka sile si si khurisiko kani? Ni engiseni kha kwati, mi nadya so tshamba, ni mihefemulo yanu yi na tsaka ngu so nona.

Masalmo 73:22

ni manekile ni di txipumbu ni si zivi txilo. Ni txi nga no va txihari masoni kwako!

Matewu 7:6

“Mi nga thukeni mi ninga timbwa silo si si nga sawulwa, hambi kutshotsha tidhayimana tanu ka tikhumba, kasiku ti si ti kandeteli ngu mikondo, ti mi wukela, ti txi mi vhandamulela ngu makwasa.”

Luka 15:15

Ene a to tsula a txi ya kombela mthumo ka mmweyo wa vathu va ditiko dileya, awu a nga m'rumela tithembweni kwakwe, kasi kuya dyisa tikhumba.

Luka 15:17

“Se a di zumbile a txi ti alakanya, a to khene: ‘Nza singi sithumi sa tate wangu, si dyako, si txi sela, kuve ani na fa hawa ngu nzala.

Jobe 30:4

Va ti ti hapha mazokoro sitingani, kambe va ti ti dya mikoloti ya minzomi.