Luka 14:35 - Bhiblia Yo Sawuleka

³⁵ Kha wu nga ngadi wu vhuna txilo, hambi i di kuphinduka wu maha mafu, hambi kumaha sa kunonisa; aniko wa theketwa hahanze. Awu a ku ni tinzeve ta kuengisa a na engise.”

Luka 14:35 Referans Kwoze

Matewu 11:15

Awu a ku ni tinzeve to engisa a na engise!”

Mtuletelo 2:29

Awule a ku ni tinzeve, a na engise ati Moya wu embelako Mabanza.”

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Mtuletelo 2:11

Awule a ku ni tinzeve a na engise ati Moya wu embelako mabanza. Awu a xulako kha na mbi va ni kuxaniswa ngu lifo la wumbidi.”

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.

Johani 15:6

Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa.

Luka 9:44

“I di anu, engisani ta tinene mapswi awa: Mwanana wa M'thu a na ningelwa manzani ka vathu.”

Luka 8:8

Aniko timwani ti to wela ha mafuni ka kunene, ti txi kula, ti veleka ngu dizana.” Ngako a di wombile-to, a to huwelela a txi khene: “Awu a ku ni tinzeve ta kuengisa a na engise.”

Matewu 13:9

Awule a ku ni tinzeve to engisa, a na engise!”

Marku 4:23

M'thu ngako a di ni tinzeve ta kuengisa a na engise.”

Luka 13:8

Aniko ene a to womba a txi khene: ‘Mkoma, hinga wu leka kambe ka diya dilembe; ani ni na phamutela mafu, ni tshanganisa kotshe ha tshina, ni ku theletela so nonisa;