Luka 14:26 - Bhiblia Yo Sawuleka

²⁶ “Ngako m'thu a txi ta kwangu, na asi vengeli tate wakwe, mame wakwe, msikati wakwe, vanana vakwe, vanawe va mazambi, tindiyakwe, hambi ni wutomi wakwe, kha sikoti kumaha mgondiswa wangu.

Luka 14:26 Referans Kwoze

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

Johani 12:25

Awule a dhundako wutomi wakwe a na mwalalelwa ngu wona, ani wule a vengelako wutomi wakwe ditikoni muwa, a na wu veketa kala kuhanyani ka wutomi wo mbi guma.

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Dhewuteronome 33:9

ngu tate wakwe ni mame wake ene a khene: “Kha ni zivi ku va wona.” Nene kha va ziva vanawe, kambe wa timelelwa ngu vanana vakwe. Ina vona va xayisile dipswi dako, kambe va vekisile txitumelelano txako.

Varoma 9:13

Madingano ni ti ti nga bhalwa taku: “Ni randile Jakobe ni venga Esawu.”

Dhewuteronome 21:15

Ngako wamwamna wokari a di ni vasikati vambidi, e maneka a txi randa ngutu mmweyo, se mmwani asi mrandi; ngako votshe ngu wumbidi wawe, va di m'velekete vanana vavafana, se matiwula a kona i di awule asi mrandiko,

Luka 14:25

Mabutho a hombe ma ti londetela Jesu, se ene a to va rendekela a txi khene kwawe:

Mitengo 10:30

Kambe Hobhabhe a to khene kwakwe: “Kha ni na mbi tsula; aniko, ni na tsula ka maxaka angu, ditikoni kwathu.”

Masalmo 139:22

Na va nyenya ngu wotshe mtamo wangu! Ni va wona i di valala vangu!

Luka 14:20

Mmwanyani a txi khene: ‘Ni tekile msikati, ngu toneto, kha ni na kuya.’