Luka 14:23 - Bhiblia Yo Sawuleka

²³ Se nyamne wa m'ti a txi khene ka txithumi: ‘Tsula tinzilani ni tibhiyoni, u txi kurumeta vathu kuwulela, nyumba yangu yi za yi tala.

Luka 14:23 Referans Kwoze

Vakolosa 1:28

Hi txhumayela ngu ngene, hi txi laya vathu ni ku va gondisa ngu wotshe wuzivi, kasiku hi kombisa votshe vathu na va di hetisekile ngu ka Kristu.

2 Vakorinto 5:11

Ngu konaho, ngako hi zivako kuthisa ka Mkoma, ha khongotela ti to vathu ve kholwa ka Txizimu, txona txa tiziva kha kwati ati hi nga zumbisa tona, kambe na kholwa ti to ha zivaneka kha kwati ni kona livhaloni kwanu.

2 Timoti 4:2

Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi.

2 Vakorinto 5:20

Athu hi sirumwa sa Kristu, Txizimu ngu txona txi mi layako ngu ngathu. Ngu toneto, ha mi khongotela ngu ditina da Kristu: Kombelani divalelo ka Txizimu.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Varoma 10:18

Se na wotisa: Ina kha va tiengisa kani? Kha ditshuri va ti engisile, nguko ti bhatwe taku: “Kutxhumayela kwawe ku pfate ka dotshe ditiko, ni mapswi awe ma hokile magemeta-mitshi ka mafu.”

Mithumo 28:28

“Ti ziveni koko ti to mhaka yiya ya kuhanyiswa ngu Txizimu yi rumetwe ka vamatiko, se vona va na yi engisa.”

Mithumo 18:6

Kambe ngako a txi wona kukaneta kwawe, ni kuruka kwawe, Paulo a to zuza tinguwo takwe, a txi khene kwawe: “Mnoha wanu wu nave txitimwi ka misungo yanu. I di ani ni basile: Kukhukhela konkuwa ni na tsula ka vamatiko.”

Masalmo 98:3

A alakanyile lirando lakwe ni kuthembeka kwakwe ka vathu va ka Israyeli. Hambi vathu va va ku magemeta-mitshi ka ditiko va ku woni kuhanyisa ka Txizimu.

2 Vakorinto 6:1

Se athu hi thumisanako ni Txizimu, ha mi khongotela kasi ku mi si amukeli walo kateko ya txona.

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Matewu 21:43

Ngu toneto, na mi gela ku khani: Mfumo wa Txizimu wu na thaviswa kwanu, wu ningelwa ka dimwani ditiko, adi di no sikota kuhumisa mihando ya wona.

Isaya 27:13

Se ku na maheka ka ditshiku dile, taku ku na vetwa mpundu wa hombe, se vale va nga ti mwalate ditikoni ka Asiriya, ni vale va nga tsuliswa ditikoni ka Egipta, va na tshumela ve wuya, ve ta khozela Mkoma, mmangoni ko sawuleka, kona Jerusalema.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

Mithumo 16:15

Se ngako a di bhabhatisilwe, kumweko ni va nyumba yakwe, a to hi kombela a txi khene: “Ngako mi txi ni wona ni di thembekile ka Mkoma, ngonani mi ta zumba nyumbani kwangu.” Se e hi kurumeta kuya kona.

Luka 24:29

Vona va to mkombela ngu kutamarisa va txi kha vona: “Zumba ni nathu, nguko ditambo di ya kuswani, se mbusiku.” Se Ene a to wulela m'tini e zumba navo.

Matewu 5:41

Ngako m'thu a txi kukurumeta ku mu heleketa mnava wumwewo, mu helekete minava yimbidi.

Luka 14:22

Se txithumi txi txi kha txona: ‘Mkoma, ati u nga ruma ti mahilwe, kambe wukhalo wu ngadi ho.’

Luka 14:24

Nguko na mi gela ku khani: Ni mmweyo wa va va nga rambwa kha na mbi danza txilalelo txangu.’ ”