Luka 14:13 - Bhiblia Yo Sawuleka

¹³ Aniko, ngako u txi maha m'buso, dhana sisiwana, silima, sidiya ni mabhofu;

Luka 14:13 Referans Kwoze

Luka 14:21

Txithumi txi to tshumela txi ya zivisa mkoma wa txona timhaketo. Se nyamne wa m'ti a to henya, a txi gela txithumi txakwe, a txi khene: ‘Kuluveta u txi ya mitendelani ni maphangoni ka didhoropa, u txi tisa kheno sikulungu ni silima ni mabhofu ni va vo khwita.’

Isaya 58:10

se ngako u txi tula muhefemulo wako ka wule a ku ni nzala, ni kukhurisa muhefemulo wo xaniseka, sekoko liwoningo lako li na tura txidemani, ni kuphuma, kwako ku na fana ni hagari ka mitshikari.

Mavingu 14:31

Awule a xanisako txisiwana a ruka wule a nga txi vanga, aniko awule a xanisekelako txisiwana wa m'guleta.

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

Nehemiya 8:10

A to va gela kambe ku khene: Tsulani mi ya tidyela tinyama to nona, mi sela ni so lombela, mi rumela sakudya ka vale va nga mba ti longisela txilo; nguko ditshiku diya di sawulekile ka Mkoma wathu; ngu toneto mi nga ti xanise, nguko kutsaka ka Mkoma mtamo wanu.

Matewu 22:10

Sithumi si di humile tinzilani, si to tshanganisa avale si nga va mana, vo biha ni vavanene, amu nyumbani ka m'buso kala kuza yi tala nyumba ngu vale va nga rambwa.

Dhewuteronome 16:14

kambe u na ti tsakela ka m'buso wako, awe, ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi, ni mluveli, ni wo felwa ngu vaveleki, ni noni, votshe vale va hanyako m'tini kwako.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

Dhewuteronome 16:11

Se u na tsaka masoni ka Mkoma, Txizimu txako, awe ni mwanana wako wa mfana ni wa dihorana, ni khumbi yako ya wamwamna ni ya wamsikati, ni Mulevhi wule a hanyako didhoropani kwako, ni mluveli, ni wo felwa ngu vaveleki, ni noni, avale va hanyako kumweko ni nawe, mi na ya tsakela ka wukhalo wu wu nga sawulwa ngu Mkoma, Txizimu txako, kasi ku ditina dakwe di txi zumba kona.

Dhewuteronome 14:29

Sekoko a nata Mlevhi (nguko kha nga ni txyavelo hambi thomba kufana ni nawe), ni wa matiko, ni wo felwa ngu vaveleki, ni noni, va kuho mndani ka sike sako, se va na dya, va txi khura, kasi ku Mkoma, Txizimu txako, a na kukatekisa, ka yotshe mithumo ya manza ako, ayile u no yi maha.

1 Timoti 3:2

Ngu toneto, kulaveka ti to mthangeli e va i di m'thu wu a ku si nga ni txisolo, i di m'thu wu a ku ni msikati mmweyo, i di wa kutiñola, wa mapimo, a di ni nduma ya yinene, wa kuziva kuamukela vapfhumba, wa kusikota kugondisa;

Jobe 29:13

Txikatekiso txa wule a nga ti ti lova, txi ni hokete, se ani ni ti ti tshumela ni tsakisa mbilu ya noni.

Nehemiya 8:12

Sekoko, vathu votshe va to tsula veya dya ve sela, ve rumela sakudya ka vamwani, ve maha m'buso wa hombe, nguko va pfisisile mapswi ale va nga gelwa ona.

2 Makronika 30:24

Nguko Ezekhiya, mfumeli wa Judha, a ningete ka msengeletano 1.000 wa marole ni 7.000 wa tivunta. Se vathangeli va ningete ka msengeletano 1.000 wa marole ni 10.000 wa tivunta; Vaphaxeli vavangi va to tibasisa.

2 Samuwele 6:19

Se a to abanisela sakudya ka votshe vathu ni ka dotshe dibutho da va ka Israyeli, kukhukhela ka vavamna kala ka vavasikati, mmweyo ni mmweyo e mninga dipawu ni dikatha da nyama, ni dibhojela da vhinya; sekoko votshe vathu va to tsula, mmwani ni mmwani e ti yela m'tini kwakwe.

Titosi 1:8

Kulaveka a txi ziva kuamukela vapfhumba, i di wamnene, wa kutipimela wo lulama, wa kusawuleka, wa kutiñola ka to biha,

Filimoni 1:7

Kha ditshuri, mwanathu, ni mani kutsaka ka hombe ni kuthavelelwa ngu mhaka ya lirando lako, nguko, mwanathu, timbilu ta vasawuleki ti tsanisilwe ngu ngawe.

Mithumo 9:39

Se Pedro a to khukha e tsula navo. Ku ti ngako a di hokile, va to mu yisa ka nyumba yile ya txitezini. Votshe vavasikati va tinoni va to ta mu randela na va txi dila, va txi mkomba mikhatxwa ni tinguwo ti Dhorkasi a nga va rungela tona, a di ngadi navo.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Mavingu 22:9

Awule a ku ni mawonelo amanene a na katekiswa, nguko waha sisiwana dipawu dakwe.

Matewu 15:30

Se dibutho da vathu votala, va to mtshuketela, va txi neha silima, mabhofu, sidiya, siduma ni vamwani vavangi, se veya va veka minengeni kwakwe. Ene a to va hanyisa.

Luka 14:12

Msana keto, a ti khene ka wule a nga m'dhana: “U txi lava kuha vathu m'buso wa kususula mwendo wa kulalela, u nga dhane vandoni vako, mwendo vananu, mwendo maxaka, mwendo vaakelani, vanyatithombe va nga thuka ni vona va txi kutshumetela ngu so fana ni soneso.

Luka 14:14

Eho u na va u di katekile, nguko evo kha va na so kutshumetela ngu sona. Kambe kuwukani ka valulami u nata tshumetelwa.”