Luka 13:6 - Bhiblia Yo Sawuleka

⁶ Se a to va mahela txidinganiso txiya: “M'thu wokari a ti phayile mkuwu hagari ka thembwe yakwe ya mivhinya, se e tsula kuya lava mihando, aniko kha yi mana.

Luka 13:6 Referans Kwoze

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Vagalatiya 5:22

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka,

Jeremiya 2:21

Ni kuphaya ku nga mndonga wo tshura wa m'vhinya, wa lixaka la linene; u phemberukete txani u maha mndonga wa limwani lixaka kani?

Vafilipiya 4:17

Hi nga ti to no vilela kuhiwa, aniko ni vilela ni m'hando wu wu no mi ninga dibhindu.

Jeremiya 8:13

Ni na va lovisa va txi bhi, kuwomba Mkoma. Kha ku na mauvha mndongani ka m'vhina, hambi makuwu mkuwuni, ni ona mazokoro ma omile. Asi ni nga va ninga si na pshwonyowoka kwawe.

Luka 3:9

Kambe nzanga yi vekilwe ha mikolotini ka mindonga; mndonga wuhi ni wuhi wu si velekiko mihando ya yinene, wu na wilwa wu rinzwa mndiloni.”

Luka 13:5

Lambi! Ani na mi gela ti to na nanu, ngako mi si hunduluki, motshe mi na lovisa ku nga toneto.”

Valamuli 9:11

Mkuwu wu xamute wu txi kha wona: Ni nga lekisa kutxani kulombela kwangu, ni mihando yangu yo tshamba, kasi ni txi ya fuma txitimwi ka yimwani mindonga kani?