Luka 13:31 - Bhiblia Yo Sawuleka

³¹ Ka yoneyo mbimo, ku to bwaka vamwani Vafarisi kwakwe, va ta kha vona: “Khukha hawa u tsula, nguko Herodha a lava ku kudaya.”

Luka 13:31 Referans Kwoze

Matewu 14:1

Ka yoneyo mbimo, mfumeli Herodha, a di engisile nduma ya Jesu,

Luka 3:1

Ngu dilembe da wugumi ni mtxhanu da kufuma ka Tibheriyo Khezari, na Ponsio Pilato i di mfumeli wa Judheya, Herodha i di mfumeli wa Galileya, Filipi mnanda wakwe i di mfumeli wa Itureya, ni wa ditiko da Trakonita, Lisaniya i di mfumeli wa Abhileni;

Matewu 14:3

Nguko Herodha a ti ñote Johani a txi mu sunga e mu khotela mkorani, ngu mhaka ya Herodhiya, msikati wa Filipi, mnanda wakwe.

Matewu 14:6

Ngu ditshiku da kutshanganisa malembe a kuvelekwa ka Herodha, mwanana wa muhorana wa Herodhiya a sinyile hagari ka vathu, e tsakisa Herodha.

Luka 9:7

Mfumeli Herodha a to pfa totshe ti ti nga mahwa ngu Jesu, se a txi kanganyiseka ngutu, nguko vamwani va ti ti kha vona: “I Johani a nga wuka ngu ka vakufa.”

Luka 23:7

Se a di engisile ti to Ene mbwa ditiko da kufumelwa ngu Herodha, a to m'rumela kwakwe Herodha, nga ngu hawa nene a nga txi maneka Jerusalema ka ona masiku ale.