Luka 13:25 - Bhiblia Yo Sawuleka

²⁵ Nyamne wa m'ti a na khukha a txi seka ditimba, se anu mi na sala hahanze, mi txi gogota ditimba, mi txi khanu: ‘Mkoma, hi tulele!’

Luka 13:25 Referans Kwoze

Luka 13:27

Ene a na mi xamula a txi khene: ‘Na mi gela ku khani kha ni mi zivi ti to mi ta ngu hani. Tsulani kule ni nani, anu mi mahako mithumo yo biha.’

Luka 6:46

“Njani mi ni dhanako mi txi khanu: ‘Mkoma, Mkoma’, kuve kha mi mahi ti ni mi gelako tona kani?

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Isaya 55:6

Lavani Mkoma a txi ngadi e maneka, m'dhaneni a di ngadi hafuhi.

Vahebheru 12:17

Ma tiziva kambe ti to mbimo yi a nga lava thomba ya kukatekiswa, a nyenyilwe nguko kha mana nzila yo hunduluka ngu yona, hambiko a nga ti kombela ngu kudila mirongo.

2 Vakorinto 6:2

Nguko, txona txi womba tiya: Ni ku engisile ngu mbimo ya yinene, kambe ni kuvhuni ngu ditshiku da kuhanyiswa. Ayiya ngu yona mbimo ya yinene, adiya ngu dona ditshiku da kuhanyiswa.

Masalmo 32:6

Ngu mhaka yeto, ka mbimo ya kuxaniseka, votshe vale va kuthembako va na khongela kwako, u txi ngadi u maneka; hambi mati amangi ma txi khulunga, kha ma na mbi va hokela.

Genesisi 7:16

Se si to wulela kumweko ni Nowa, matune ni mkati, ka sotshe si i ku sa nyama, nga ti Txizimu txi nga ti leletile ka Nowa; se Mkoma a to seka ditimba da ngalava ngu hahanze.

Luka 3:8

Ngako i di toneto, humisani mihando yi yi kombisako kuhunduluka; mi nga thukeni mi alakanya mi txi khanu: ‘Hi ni tate, wathu Abrahamu’; nguko ni khani kwanu: Txizimu txi nga sikota kuhindula marigwi awa me maha vanana va Abrahamu.