Luka 13:24 - Bhiblia Yo Sawuleka

²⁴ Ene a mu xamute a txi khene: “Zamani ngu mtamo kuwulela ngu txike txo songa, nguko ani na mi gela ti to vavangi va na zama kuwulela, kambe kha va na mbi sikota.

Luka 13:24 Referans Kwoze

2 Pedro 1:10

Ngu toneto, va ka kwathu, khutalani mi txi ya masoni, kasi ku mi txi sikota kutsanisa kudhanwa kwanu ni kusawulwa kwanu. Nguko, mi txi mahisa eto, kha mi na mbi thuka mi txi khuvekiswa.

Vahebheru 4:11

Ngu toneto, he khutaleleni kuya wulela kona kuhumulaniyo, kasiku ni wammweyo asi wi, ngu mhaka ya kukanyisa ko fana ni kwawe.

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Ezekhiyele 33:31

Se vona vata kwako, nga tile vathu va tisako tona kwako, ve ta khalahatsha masoni kwako kufana ni vathu vangu, kambe ve engisa dipswi dako, aniko kha va mahi txilo; va tumeletela ngu sisofu sawe, kambe timbilu tawe ti londetela ta minavelo yawe.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Mavingu 21:25

Maalakanyo a mkara ma m'daya, nguko manza akwe ma lamba kuthuma.

Varoma 10:3

Nguko, ngu ku ambi ziva kululama ka Txizimu ni kulava ku ti emisela kululama kwawe vona ngu txawe, kha va ti veka hahatshi ka kululama ka Txizimu.

Vakolosa 1:29

Ngu toneto, ni ti karatelako tona, na ni txi lwa ngu mtamo wakwe, awu ene a ni ningako wona.

Johani 7:34

Mi na ni lava, kambe kha mi na mbi ni mana, nguko aha ni ku kona, anu kha mi sikoti kuta.”

Ekleziyaste 10:15

Mthumo wa siphukuphuku wa si rera sotshe, nguko kha si yi zivi nzila yoya didhoropani.

Johani 8:21

Jesu a to tshumela a txi va gela ku khene: “Ani na tsula, se mi na ni lava, aniko mi na fela txionhoni kwanu. Amu ni yako kona, anu kha mi na kusikota kuta.”

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Matewu 11:12

Kukhukhela ka masiku a Johani Mubhabhatisi kala konakuwa, Mfumoni ka nzumani ku wulelwa ngu mtamo, se va mtamo ngu vona va wu manako.

Mavingu 14:6

Mtseketseli wa lava wutxhari asi wu mani, aniko ka wule wo pfisisa, wuzivi wa hehuka.

Johani 13:33

Vanangu: Ani ni ngadi ni nanu txikhatianyana txidotho. Mi na ni lava, aniko, nga ti ni nga wombisa tona ka Vajudha, na nanu konkuwa na mi gela ku khani: ‘Ahawa ani ni yako kona, anu kha mi sikoti kuta kona.’

Luka 13:23

M'thu wokari a mu wotisile a txi khene: “Mkoma, ina mtengo wa vale va hanyiswako mbudotho kani?”

Joxuwa 7:3

Se va va wuya ka Joxuwa, va to ta m'gela tiya: “Va nga tsule votshe vathu, ku na tsule 2.000 mwendo 3.000 wa vavamna, va txi ya xasela ditiko da Ayi; u nga karata votshe vathu, nguko valala mbadotho.”

Johani 5:4

Nguko, ngelozi yi ti txhikela dizivani ngu mbimo yokari, yi ta vhilusa mati; se awu a nga txi thanga ene e wulela, na mati ma di ngadi kuvhiluswa, a ti ti hanyiswa ka wulwati wakwe, hambi wuhi ni wuhi.