Luka 13:19 - Bhiblia Yo Sawuleka

¹⁹ Wu fana ni nyingi ya txinapi, ayi m'thu a nga yi teka, a txi ya phaya thembweni kwakwe; se yi kula yi maha mndonga, se sinyana sa nzumani si ta aka madhavini ka wona.”

Luka 13:19 Referans Kwoze

Dhaniyeli 4:12

Mazokoro a kona ma ti ti tshurile, ni mihando ya wona i ti yayingi, wu ti ni sakudya sa kueneta votshe vathu; Sihari sa txitinga si ti ti zumba ka mtsudi wa wona, ni sinyana sa nzumani si ti ti aka sisaka ka madhavi ya wona, sivangwa sotshe si si hanyako si ti ti mana sakudya ka wona.

Dhaniyeli 4:21

Mazokoro a kona ma ti ti tshurile, ni mihando ya kona yi ti yayingi ngutu, yi nga ti ti dingana kudyisa votshe vathu; hahatshi ka wona ku ti ti zumba sihari sa txitinga, se ka madhavi a kona ku ti zumba sinyana sa nzumani.

Mithumo 4:4

Hambi keto, vathu votala va nga engisa dipswi, va to kholwa. Mtengo wa vavamna wu ti lava kuva wa 5.000.

Mithumo 2:41

Se avale va nga amukela mapswi akwe, va to bhabhatiswa ka dona ditshiku dile, ve amukelwa ngu vagondiswa mndani ka Dibanza, 3.000 wa vathu.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Ezekhiyele 31:6

Sotshe sinyana sa nzuma si to aka sisaka ka madhavi a wona, ni sotshe sihari sa txitinga si to velekela hahatshi ka madhavi a wona, Se votshe vathu va to khalahatshela ka mtsudi wa wona.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Mithumo 21:20

Vona va ti dhumisa Txizimu ngu tile va nga ti tiengisa. Va txi gela Paulo, va txi kha vona: “Wa ti wona, mwanathu, ti to magumi a mazana a Vajudha va amukete likholo, hambiko votshe i ku vakhutaleli va Mlayo;

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Isaya 58:11

Se Mkoma a na ku thangela yotshe mbimo, e khurisa muhefemulo wako ka makhalo a txihala, kambe a na tsanisa marambu ako; se u na fana ni thembwe yo theletelwa mati, ni ku nga txisima txi mati a txona ma si phwiko.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Ndando ya Tindando 6:2

Txirandwa txangu txa relela thembweni kwakwe, ka tindima ta sibhumuliso, kasi kuya ti dyisa tindimani ni kuhaphela makoñwa.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Varoma 15:19

ngu mtamo wa sikombiso ni sidiwukiso, ni mtamo wa Moya. Ngu toneto, ni txhumayete Evhangeli ya Kristu ka otshe madhawa, kukhukhela Jerusalema kala kuya hoka Iliriya;

Jeremiya 31:12

Vanata va txi embelela ngu litsako aniya mmangoni ka Siyoni, ve tutumela wunene wa Mkoma, amu ka fulaho, ni vhinya, ni mafura, amu ka tihambana ni marole, dihika dawe di na fana ni thembwe yi yi nga nakaniswa, kha va na mbiswa ve dhindirika.

Isaya 61:11

Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto Mkoma Txizimu, a na milisa kululama, ni wudhumo ka otshe matiko.

Isaya 53:1

I mani a nga kholwa ka txhumayelo yathu kani? Niku diwoko da Mkoma di wonekisilwe ka mani kani?

Ndando ya Tindando 8:13

Awe u zumbako thembweni kwangu, vangana vangu va navela kupfa dipswi dako, ni nani na di lava ku dipfa.

Ndando ya Tindando 4:16

Khukha, moya wa wuphemba, ngono awe moya wa wulambwe; futeta thembweni kwangu, kasi kupfalisa kunungela ka yona. Ha! I ti ku txota txirandwa txangu thembweni ka txona, txi ta dya mihando ya txona yo tshamba.

Ndando ya Tindando 4:12

Awe u thembwe yo bhiyelwa, ndiyangu, msikati wangu, u txiziva txo sekelwa, txisima txo fenengetwa.

Luka 17:6

Mkoma a xamute a txi khene: “Idiku mo va ni likholo lo fana ni nyingi ya txinapi, mi ndi na gela mmora wuwa mi txi khanu: ‘Ti dule u txi ya ti phaya upune lineneni.’ Se wona wu ndi na mi engisa.”

Marku 4:30

E engeta kambe a txi khene: “Mfumo wa Txizimu hi na wu fanisa ni txani? Hi na wu kombisa ngu txidinganiso muni kani?