Luka 13:15 - Bhiblia Yo Sawuleka

¹⁵ Aniko Mkoma a mu xamute a txi khene: “Anu vaxengeteli, ina mmwani ni mmwani kwanu kha thukunyuli homu mwendo mbongola yakwe, ngu txibalani, a txi yi yisa kuselani ka mati ngu Sabbata kani?

Luka 13:15 Referans Kwoze

Luka 14:5

Se a txi khene kwawe: “I mani kwanu awu, ngako mwanana wakwe mwendo homu yakwe, si txi wa txisimani ngu ditshiku da Sabbata, asi kuluvetiko ku si humisa ngu ditshiku da Sabbata kani?”

Matewu 23:28

Ngu toneto, na nanu mi woneka hahanze nga mi lulamile, kasi mndani mi tate ngu wukanganyisi ni wubihi.”

Luka 12:1

Ka yoneyo mbimo, vathu va ti sengeletanile kwakwe ngu magumi a mazana, ahawa koza ve kandetelana. Se Jesu a to khata kugela vagondiswa vakwe a txi khene: “Ti woneleni ka mtshumbelo wa Vafarisi, i ku wuxengeteli.

Luka 6:42

U nga sikotisa kutxani kugela mwananu u txi khawe: ‘Mwanathu, thutha ni thavisa txizokoro disoni kwako’ na kasi awe khu woni mtanda wu wu ku disoni kwako kani? Mxengeteli, thanga ngu kuthavisa mtanda wu wu ku disoni kwako, se ngu kona u no wona kuthavisa txizokoro disoni ka mwananu.”

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Matewu 15:14

Va lekeni! Mabhofu ma thangelelako mabhofu-kulowe; se ngako dibhofu di txi ñoleta lisole dimwani dibhofu, votshe va na wela diphalani ngu wumbidi wawe.”

Matewu 15:7

Vaxengetelinu, Isaya a profetile kwati ngu nganu, a txi khene:

Matewu 7:5

Mxengeteli, thanga ngu kuthavisa mtanda wu, wu ku disoni kwako, ngu kona u no wonisisa ta tinene kuthavisa txizokoro txi txi ku disoni ka mkwanu.”

Isaya 29:20

Nguko mxanisi kha na mbi va txilo, se mtseketseli a na ti lovisa, ni votshe vale va ti ningelako ka wubihi, va na thaviswa,

Mavingu 11:9

Mkanganyisi a haxula mwakelani wakwe ngu txisofu, aniko vo lulama va txhatxhiswa ngu wuzivi wawe.

Jobe 34:30

Kasi ku mkanganyisi asi dhuki e fuma, ni ti to vathu va si riyelwi milawu.

Luka 7:13

Mkoma, mbimo yi a nga mu wona, a to mpfela wusiwana, a txi khene kwakwe: “U nga dile!”

Luka 7:19

Se Johani a to dhana vagondiswa vakwe va vambidi, e va ruma ka Jesu, kuya wotisa va txi kha vona: “Ngawe awu a tako mwendo hi ngadi hi verela mmwani kani?”