Luka 13:12 - Bhiblia Yo Sawuleka

¹² Ku ti ngako Jesu a txi mu wona, a to m'dhana, a txi khene: “Wamsikati, u thukunyutwe wulemani kwako.”

Luka 13:12 Referans Kwoze

Masalmo 107:20

Ngu dipswi da txona Txizimu txi va hanyisile txi txi va hulukisa ka lifo!

Matewu 8:16

Ni minova va to neha kwakwe vavangi, ava va nga ti ni madhimoni, se ene a to ma tovela ngu dipswi dakwe, e hanyisa votshe va va nga ti lwala;

Luka 13:16

Ina awuwa wamsikati, i ku mwanana wa Abrahamu, awu a nga ti sungilwe ngu Sathani ngu malembe a digumi ni mtxhanu ni mararu, ti sa fanela ku e thukunyulwa ngu ditshiku da Sabbata kani?”

Joyeli 3:10

Mahani matxhari ngu mikwati yanu; ni mipaxwa ngu masikela anu; wa kwa mbi na mtamo a ne khene: Ni ni mtamo.

Isaya 65:1

Ni lavilwe ngu vale va si khaliko ku wotisa ngu ngani; ni manwi ngu vale va nga ti si ni lavi; ka vathu vale va nga si dhanwi ngu ditina dangu, ni txi khani: Ngani wuwa hawa!

Matewu 4:23

Msana keto, a to khata kutsimbila ka dotshe ditiko da Galileya, a txi gondisa masinagogani, e txhumayela mahungu a maphya a Mfumo, na a txi hanyisa vathu ka otshe malwati ni ka yotshe mipando.

Luka 13:11

Se a ti ti ho konaho wamsikati a nga ti ni moya, wu nga txi mu lwalisa malembe a digumi ni mtxhanu ni mararu; a ti dombekile e tandeka ni kululama.

Luka 13:13

Se a to msanzeka manza txitimwi, koneko wamsikati a so lulama, e dhumisa Txizimu.