Luka 12:52 - Bhiblia Yo Sawuleka

⁵² Nguko kukhukhela konakuwa, ka nyumba yi yi ku ni mtxhanu wa vathu, va na abaniswa, vararu va txi wukela vambidi, vambidi va txi wukela vararu;

Luka 12:52 Referans Kwoze

Mithumo 28:24

Aniko vamwani kha va tumela.

Johani 16:2

Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu.

Johani 9:16

Sekoko vamwani Vafarisi va to womba va txi kha vona: “Awuwa m'thu hi nga wa ka Txizimu, nguko kha veketi Sabbata.” Vamwani va txi kha vona: “Ti nga mahisa kutxani ka m'thu wu i ku muonhi, kumaha sidiwukiso siya kani?” Se va to khata kuphikizana ngu txawe.

Masalmo 41:9

Hambi mndoni wangu, awu ni nga ti m'themba, awu ni nga ti dya nayo mbiyani kumweko, se konkuwa a ni wukete a txi ni ganyata ngu txizenende txakwe.

Luka 12:51

Mi pimisa ti to ni tete ku ta simeka kudikha ha ditikoni kani? Ahim-him! Ani na mi gela ti to ni nehile kuhambana.

Luka 12:53

Va na abaniswa: Tate a na wukela mwanana wakwe wa dizambi, mwanana wa dizambi a na wukela tate; mame a na wukela mwanana wakwe wa muhorana; mwanana wa muhorana a na wukela mame; masale a na wukela mamanyani, mamanyani a na wukela masale.”