Luka 12:48 - Bhiblia Yo Sawuleka

⁴⁸ Aniko, awule a nga mbi kuziva kuranda ka nyamne wakwe, se a txi maha to fanelwa ngu kukwapelwa, a na kwapwa ka kudotho. Awule a nga ningwa sasingi, kwakwe ku nata lawa sasingi; ani wule a nga vekelwa sasingi, kwakwe ku nata vilwa sasingi.”

Luka 12:48 Referans Kwoze

Jakobe 3:1

Vanathu, mi nga laveni ku bhi motshenu ngu ku ti maha vagondisi, nguko ma tiziva ti to hi fanete kuya kuthethiswani ko karata.

Levhi 5:17

Se ngako m'thu a di onhile ngu kumaha to biha, e tsulupeta mlayo wokari wa Txizimu, e maha ti ti si faneliko kumahwa, hambi asi ti zivi, a na va ni txionho, kambe a rwate mnandu.

Johani 15:22

Idiku ni ti sa ta ni ta womba-womba navo, nga va si na txionho. Aniko konkuwa txionho txawe kha txi na divalelo.

Matewu 13:12

Nguko awule a ku naso, a na ningwa kasiku e tatiselwa; aniko awule a si nga naso, a na tekelwa hambi ni sile a ku naso.

1 Timoti 1:13

ani, kale ni nga ti mruketeli ni mxanisi ni m'thu wa tshofu. Aniko ni mani divalelo, nguko atileya ni ti mahile ngu kusisalelwa ni wuhedheni wangu.

Mithumo 17:30

Hambi keto. Txizimu txi lekile kupimisa ngu ta mbimo ya kupwata kuziva yi nga pinda, se konkuwa txi zivisa votshe vathu va otshe matiko tito, va na hunduluke.

1 Timoti 1:11

yi engisanako ni Evhangeli yi yi nga vekwa manzani kwangu, ayi yi pfalisako Txizimu, i ku txisima txa makatekwa.

Luka 16:2

Se nyamne a to m'dhana a txi khene kwakwe: ‘Nda txani ti ni ti pfako ngu mhaka yako kani? Hinga txhamusela mhaka ya mthumo wako, nguko khu na mbiswa u txi maha muwoneleti wa simaha sangu.’

1 Timoti 6:20

Awe Timoti, veketa si u nga vekelwa manzani kwako, tsimbilela kule ni siwombawomba sa walo, ni kukanetisana ngu timhaka ta wuzivi wa makuhu.

Titosi 1:3

atxiya kambe, ka timbimo tiya txi nga ti sikela, txi nga kombisa dipswi da txona, ka mahungu awa ni nga leletwa, madingano ni kuruma ka Txizimu Muhanyisi wathu,

Mitengo 15:27

Ngako m'thu mmweyo a di ni txionho txa phazamo, a na ningela phongo ya dilembe dimwedo, i ku mningelo wo thavisa txionho.

Dhewuteronome 25:2

Ngako awule a ku ni mnandu a di ni fanelo yo pekwa, mlamuli a na ruma ti to a txi bubuma, se e ruma ti to e pekwa masoni kwakwe, ngu mtengo wa mapeko awa ma fanelako mnandu wakwe.

Luka 12:41

Konaho Pedro a ti khene: “Mkoma, u mahela athu txidinganisotxo mwendo u mahela votshe kani?”

Luka 12:49

“Ani ni tete kuta rinza mndilo ha mafuni, se kuranda kwangu ku ta ti to wu txi tura ni konkuwa.

Matewu 23:14

[Mi na ni dikhombo, anu vabhali ni nanu Vafarisi, vaxengeteli! Mi moxako silo sa tinoni, mi txi va xenga ngu mikombelo yo lapha; ngu toneto mi na lamulwa ngu malamulelo o karata ngutu.”]