Luka 12:47 - Bhiblia Yo Sawuleka

⁴⁷ “Txithumi txile txi zivako kuranda ka nyamne wa txona, aniko txi si ti lulamiseliko, txi si thumiko madingano ni kuranda ka nyamne wa txona, txi na kwapelwa kakungi.

Luka 12:47 Referans Kwoze

Jakobe 4:17

Ngu toneto, awule a zivako kumaha ta tinene, asi mahi, a ni txionho.

Johani 9:41

Jesu a to va xamula, a txi khene: “Idiku kha mi nga mabhofu, nga mi si nga ni mnandu. Aniko ngako mi ku khanu: ‘Ha wona!’ Ngu toneto, txionho txanu txi namarete.”

Johani 12:48

Awu a ni lambako ni ku ambi amukela mapswi angu, a nayo muabanisi wakwe: Dipswi di ni ngadi womba, ngu dona di no mu abanisa ngu ditshiku da magwito.

Mithumo 17:30

Hambi keto. Txizimu txi lekile kupimisa ngu ta mbimo ya kupwata kuziva yi nga pinda, se konkuwa txi zivisa votshe vathu va otshe matiko tito, va na hunduluke.

Johani 19:11

Jesu a to xamula a txi khene: “Nga u si nga ni mtamo txitimwi kwangu, idiku u sa wu ningwa ngu ni txitimwi. Ngu toneto, awu a nga ni ningela kwako ana ni txionho txo pindisa.”

Ezekhiyele 9:6

Dayelani sikosana ni vavaphya, ni timbiri, ni sifanyana, ni vavasikati, kala ku va fuvisa; aniko votshe vavamna vale va ku ni txikombiso, mi nga va gweseni; kambe khatelani wukhaloni kwangu ko sawuleka. Se va to khata ngu vavamna vale va sikosana, va nga ti ti masoni ka nyumba.

Luka 12:41

Konaho Pedro a ti khene: “Mkoma, u mahela athu txidinganisotxo mwendo u mahela votshe kani?”

Luka 12:46

Nyamne wa txona a nata ngu ditshiku do mbi ziviswa ni txikhati txo mbi ziwa, ene a nata txi tsayisa ngu mtamo e txi veka kumweko ni vale vo mbi thembeka.”