Luka 12:45 - Bhiblia Yo Sawuleka

⁴⁵ Aniko, ngako txithumi txile txi txi pimisa mbiluni ka txona, txi txi kha txona: ‘Nyamne wangu wa swela kubwaka’, txi khata kupeketela sithumi sa mazambi ni sa mahorana, txi dya, txi sela, se txi leva,

Luka 12:45 Referans Kwoze

Mtuletelo 18:24

Se mndani kwako ku manekile mnoha wa vaprofeti ni wa vasawuleki, ni wa votshe va nga dawa ha mafuni.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

2 Pedro 2:19

na va txi va thembisa kuhuluka, kasi vona ndikhumbi ta wuonhi, nguko mmweyo ni mmweyo i khumbi ya sile si m'xulako.

2 Pedro 2:13

Va na amukelisa toneto muholo wa wubihi wawe. Vona va tsakiswa ngu kutiningetetela ka mithumo ya nzambwa hagari ka mitshikari, vona va thela tingana ni kukhuvekisa vathu, mbimo yi va busako ni nanu mikhuwoni kwanu, va txi tsakela misakano yawe yo kanganyisa.

1 Vatesalonika 5:7

Ava va otelako, va otela ni wusiku; ava va levako, va leva ni wusiku.

2 Vakorinto 11:20

Ma honisela kasiku m'thu a txi mi maha tikhumbi, a txi mi dyelela, a txi mi handa, a txi mi dhelela, a txi mi haphata.

Varoma 16:18

Nguko ava vo ngeto kha va thumeli Mkoma wathu Jesu Kristu, kambe va thumela masusu awe dwe; va hambukisa timbilu ta va vo divala ngu mapswi o tshamba ni kukanganyisa.

Matewu 22:6

Vamwani va to ñola sithumi ve si xanisa ni ku si daya.

Ezekhiyele 34:8

Na hanya ani, kuwomba Mkoma Txizimu, kuwoneka taku tinvuta tangu ti ningetwe kuñolwani, se ti mahile to dyiwa ngu sotshe sihari sa txitinga, ngu kupwateka ka vadyisi, kambe vadyisi vangu kha va tsimbili ve lava tinvuta tangu, aniko vo ti dyisa vona vapune, kha va dyisi tinvuta tangu,

Ezekhiyele 12:22

Awe mwanana wa m'thu, divingu muni mi ku nado ditikoni ka Israyeli, daku khanu: Masiku ma na lapha, si na mwalala sotshe siwoniso kani?

Jeremiya 20:2

Se a to peka mprofeti Jeremiya, a txi mkhotela ka wukhalo wu ku txikenini ka txitimwi ka Bhenjamini, amu Nyumbani ka Mkoma.

Isaya 65:6

Wona ti bhatwe masoni kwangu, taku: Kha ni na mbi malala; aniko ani ni na hakela, ni na rinza hakhelo masoni kwawe,

Dhewuteronome 12:12

Se mi na tsaka masoni ka Mkoma, Txizimu txanu, anu ni vanana vanu va majaha ni vamahorana, ni sithumi sanu sa vavamna ni sa vavasikati, ni Valevhi vale va zumbako madhoropani kwanu nguko vona kha va nga ni txyavelo, hambi thomba, kumweko ni nanu.

Luka 12:44

Ngu ditshuri na mi gela ku khani, ene a nata txi maha muwoneleti wa silo sakwe.

Luka 12:46

Nyamne wa txona a nata ngu ditshiku do mbi ziviswa ni txikhati txo mbi ziwa, ene a nata txi tsayisa ngu mtamo e txi veka kumweko ni vale vo mbi thembeka.”

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Johani 2:10

a txi mu gela ku khene: “Votshe vathu va thanga ngu vhinya ya yinene ve yi humisa, se ngako va di sete ta tinene ava va nga rambwa, ngu kona va humisako yo va i si nga ya yinene ngutu. Kambe awe u veketile vhinya ya yinene kala ayi mbimo!”

Mithumo 2:18

Ina, ka ona masiku ale, ni na thela Moya wangu txitimwi ka sithumi sangu sa vavamna ni vavasikati, se va na profeta.

Jobe 24:23

Ngako Txizimu txi txi va ninga kuhumula, va omelela ka toneto; sekoko maso awe ma tinzilani kwawe.