Luka 12:42 - Bhiblia Yo Sawuleka

⁴² Mkoma a xamute a txi khene: “Ngu wuhi muwoneleti wo thembeka ni kutxhariha, awu Mkoma a no mu veka masoni ka sithumi, kasiku e avela sakudya ngu mbimo yi yi lavekako kani?

Luka 12:42 Referans Kwoze

Vahebheru 13:17

Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako vona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.

Vahebheru 13:7

Alakanyani vathangeli vanu, ava va nga mi txhumayela dipswi da Txizimu. Wonisisani ati wutomi wawe wu nga gwitisa tona, mi txi londetela likholo lawe.

2 Timoti 4:2

Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi.

1 Timoti 5:17

Madhota awa ma tsimbitisako ta tinene mthumo wa wuthangeli, ma fanetwe ngu kutshungulwa kambidi, ngutu-ngutu aawa ma thumelako kutxhumayela dipswi ni kugondisa;

1 Pedro 4:10

Kota vaxayisi vavanene va tikateko ta Txizimu, mmwani ni mmwani kwanu a na vhune vakwawe ngu txiningo txi a nga hiwa.

Titosi 1:7

Mthangeli wa dibanza a fanete kuva a si nga ni txisolo, ngako i ku muwoneleli wa Txizimu; kulaveka i si nga wo tikulisa, a si nga ni txihenyisani, i si nga disela, i si nga muwusi wa mazunga, a si nga ni timbiti ta dibhindu do mbi lulama.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Matewu 20:8

Na ku txi khata kumaha minova, nyamne wa thembwe ya mivhinya, a to gela mxayisi wa tithomba takwe a txi khene: ‘Dhana sithumi u txi si holela nthumo wa sona, aniko u na khata ngu vale vo gwitisa, kala u txi ya gwitisa ngu vale vo khata.’

Ezekhiyele 34:3

Madya mafura, mi ti ambeka ngu matoya, ni kudaya tile to nona; aniko kha mi dyisi tinvuta.

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Mavingu 15:23

M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.

Vahebheru 3:5

Se Mosi, a ti thembekile mndani ka yotshe Nyumba ya Txizimu, kota txithumi, kasi ku e maha fakazi ya totshe ti ti nga ti fanete kuwombwa.

1 Timoti 3:15

kasiku ngako ni txi thuka ni txi swela, u na ziva ti u fanelako kuhanyisa tona nyumbani ka Txizimu, i ku Dibanza da Txizimu txi txi hanyako: Ngu dona i ku phande ya hombe ni txihiketo txa ditshuri.

Luka 7:13

Mkoma, mbimo yi a nga mu wona, a to mpfela wusiwana, a txi khene kwakwe: “U nga dile!”

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Jeremiya 23:4

Ni na emisa vadyisi txitimwi ka tona, ava va no ti dyisa. Kha ti na mbi ngadi ti thava, hambi kudhudhumela, kha ku na mbi pwateka ni ya yimweyo, kuwomba Mkoma.

Mavingu 27:18

Awule a xayisako mkuwu, a na dya mihando ya wona; se awule a xayisako nyamne wakwe a na dhundeka.

Mavingu 31:15

A wuka i di ngadi wusiku, e dyisa mwaya wakwe, ni ku abanisela mithumo ka sithumi sakwe sa txisikati.

Luka 7:19

Se Johani a to dhana vagondiswa vakwe va vambidi, e va ruma ka Jesu, kuya wotisa va txi kha vona: “Ngawe awu a tako mwendo hi ngadi hi verela mmwani kani?”

Luka 12:43

Txi katekile txithumi txile, nyamne wa txona, ngako a txi bwaka, a nota txi mana txi txi thumisa toneto!

Eksodha 36:4

Se votshe vavamna vale va nga txi maha mithumo ka wukhalo wo sawuleka, va to leka kuthuma,

Mavingu 12:8

M'mmweyo ni mmweyo a na dhundwa ngu mapimo akwe, aniko awu a ku ni mbilu yo hambana, a na txhipiswa.