Luka 12:4 - Bhiblia Yo Sawuleka

⁴ “Vangana vangu, na mi gela ku khani: Mi nga thukeni mi thava ava va dayako mmidi, ngu msana va si sikotiko kumaha txilo kambe.

Luka 12:4 Referans Kwoze

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Jeremiya 1:8

U nga thave masoni kwawe; nguko ni ni nawe, kasi ku ku hulukisa, kuwomba Mkoma!”

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Vafilipiya 1:28

mi si thavi kudhukiselwa ngu valala, kasi eto, kha ditshuri ti kombisa ti to vona va ya kulovani, ani anu mi ya kuhanyiswani. Atiya ti ta ngu ka Txizimu,

1 Pedro 3:14

Kambe ngako mi txi xaniswa ngu mhaka ya kululama, mi katekile. Mi nga thaveni kudhukisela kwawe, kambe mi nga karatekeni.

Jakobe 2:23

Ngu toneto, yi tatisekile mibhalo yi yi ku: “Abrahamu a khotwe ka Txizimu, se atiya ti mningile ku e maha kota mlulami, se ene a dhanwi ku i mngana wa Txizimu.”

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Ezekhiyele 2:6

Kambe awe mwanana wa m'thu, u nga va thave, hambi kuthava timhaka tawe; mwendo va ti maha sitxhotxhota ni mipa kwako, se awe u zumba ni tihume, u nga thave timhaka tawe, hambi kudhukiswa ngu tikhohe tawe, ngu ku i ku nyumba yo kaneta.

Mithumo 4:13

Sekoko ku ti ngako va txi wona kutsana ka Pedro ni Johani, kuve va ti va ziva ti to mbathu va va nga mbi gonda ni ti to vo va i di vathu dwe, va to tala ngu kuxamala; kambe va ti va ziva ti to mbalondeteli va Jesu.

Jeremiya 1:17

Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

Isaya 41:8

Aniko awe Israyeli, txithumi txangu. Awe Jakobe, awe ni nga kusawula, liveleko la Abrahamu, mngana wangu.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Ndando ya Tindando 5:16

Ka tsakisa kuwombawomba kwakwe ka kunene; ina, ene wa navetisa ngutu. Txirandwa txangu txi zumbisileto, kambe ngu toneto mngana wangu, Anu vanana vamahorana a Jerusalema,

Mavingu 29:25

Dijowa da m'thu di na riya milawu, kambe awule a thembako ka Mkoma, a na vekwa ka wukhalo wo guleka.

Jeremiya 41:18

ngu mhaka ya Vakaldheya, nguko va ti ti va thava, ngu ku va nga ti ni Ismayeli, mwana Netaniya, awu a nga ti date Gedhaliya, mwana Ahikamu, awule a nga ti vekilwe ditikoni ngu mfumeli wa Bhabhilona.

Johani 15:13

Ku walo m'thu wu a ku ni lirando la hombe ngutu kupinda la wule a ningelako wutomi wakwe ngu mhaka ya vangana vakwe.