Luka 12:35 - Bhiblia Yo Sawuleka

³⁵ “Sungani mitshunga siwununi kwanu, mi lumeka malambu anu.

Luka 12:35 Referans Kwoze

1 Pedro 1:13

Ngu toneto, sungani mitxalatxala siwununi kwanu, mi zumba mi txi wonelela. Vekani likholo lanu ka kateko yi mi nga ningwa, kuwonekeliswani ka Mkoma wathu, Jesu Kristu.

Vaefesu 6:14

Emekani ngu kutsana. Sungani siwunu ngu ditshuri, di txi maha libhande lanu. Ambalani kululama ku txi maha txivhikelo txa khana yanu.

Matewu 5:16

Ngu toneto, kwanu ku na woninge masoni ka vathu, kasiku, ngako va txi wona mithumo yanu ya yinene, va na dhumisa Tate wanu a ku nzumani.”

Matewu 25:1

“Sekoko ka yoneyo mbimo, Mfumo wa nzumani wu na fanana ni timbiri ta digumi, ati ti nga teka malambu a tona, ti huma kasi kuhingeta mteki.

Isaya 5:27

Kha ku na mbi va ni kukarala hagari kwawe, hambi kurereka; kha ku na wu a no khudhahela, hambi kuotela; kha va na mbi txhatxha tibhande siwununi kwawe, hambi kubhenula tingoti ta tikathula tawe.

Isaya 11:5

Se kululama ku nava libhandi la txiwunu txakwe, se ditshuri di na va libhandi la tithso takwe.

Vafilipiya 2:15

kasiku mi va mi si nga ni txisolo na mi di basile, mi va vanana va Txizimu vo mbi na nzambwa, hagari ka liveleko lo soholoka, na li di xangile; mi fanete kuphatima hagari kwawe, nga malambu ha mafuni;

Mavingu 31:17

Wa sunga txiwunu txakwe txi tsana, kambe a ni mtamo mawokoni kwakwe.

1 Vafumeli 18:46

Se dianza da Mkoma di ti txitimwi ka Elija, awu a nga sunga txiwunu, eta ngu kututuma masoni ka Akabe, kala ha diphangoni ka Jezireyeli.

Luka 12:36

Ti fananiseni ni sithumi sa vavamna avava va verelako kuwuya ka mkoma wawe, a wuyako ngu m'busoni ka mtxhadho, kasiku ve mu tulela ngu txikuluveta, mbimo yi a bwakako a txi gogota ditimba.