Luka 12:33 - Bhiblia Yo Sawuleka

³³ “Xavisani simaha sanu, mi txi vhuna sisiwana. Mahani mikwama yo mbi sakala, mi txi veketa txuma txanu txo mbi guma nzumani, amuwa ku si tshuketiko dikhamba, hambi sumba yi si doliko.

Luka 12:33 Referans Kwoze

Matewu 19:21

Jesu a to xamula, a txi khene: “Ngako u txi lava kumaha m'thu wo hetiseka, tsula u txi ya xavisa sotshe si u ku naso, u txi ninga sisiwana, u na ya mana thomba nzumani; se ngono u txi ni londisa.”

Luka 18:22

Ku ti ngako Jesu a txi pfa toneto, a to khene kwakwe: “Njilo tximwetxo txi pwatekako kwako. Xavisa sotshe si u ku naso, u txi avela sisiwana, ngu kona u no va ni txuma nzumani; senikoko, ngono u txi ni londisa.”

Mithumo 2:45

Va ti xavisa mipeto yawe ni simaha sawe, ve teka male va txi avela sisiwana, kota nga kupwata ka m'thu ni m'thu.

Luka 16:9

“Ngu toneto, na mi gela ku khani: Txhatani vandoni ngu thomba yo mbi lulama, kasiku, mbimo yi mi no gumelwa, vona va na mi amukela tinyumbani ka wutomi wo mbi guma.

Luka 12:21

Ngu toneto, ti mahisako tona ka wule a sengeletelako tithomba, na i si nga nyatithombe wa txilo masoni ka Txizimu.”

Hagayi 1:6

Mi phayile ngutu, kambe mi funyela ka kudotho; ma dya, aniko kha mi khuri; ma sela, aniko kha mi kolwi; ma ambala, aniko kha mi futumeli; ni wule a holako, a hola ka txikwamana txo doleka.

2 Vakorinto 8:2

Hagari ka mihumbo ya kuxaniseka ka hombe, ayi ma nga dukwa ngu yona, kambe kutsaka kwawe ku to engeteleka, se hagari ka wusiwana wawe wa hombe va to humisa msengo wawe ngu wuha wa kupindisa mpimo.

Johani 12:6

Ene a wombisile eto, i si nga ngu kuthela kota ngu sikulungu, aniko nguko i nga ti dikhamba da kupa asi si nga txi vekwa msavani, nguko i ti ene, i nga ti mñoli wa wona.

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Mavingu 13:7

Ku ni wule a ti mahako nyatithombe, na asi nga ni txilo ni txa tximwetxo, ni wule a ti mahako txisiwana, na a di ni thomba yayingi.