Luka 12:31 - Bhiblia Yo Sawuleka

³¹ Ati i ku tona, lavani Mfumo wa Txizimu, se silo siya sotshe mi na engetelwa.

Luka 12:31 Referans Kwoze

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

Masalmo 34:9

Thavani Mkoma, anu motshenu vasawuleki vakwe, nguko kha ku pwateki txilo ka wule a mthavako.

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

Masalmo 37:25

Ni ti mfana, se konkuwa ni kumbile, kambe kha ni zivi kuwona m'thu wo lulama e lekwa wusiwanani, hambi vanana vakwe kha ni zivi ku va wona ve kombela sakudya.

Isaya 33:16

Awuwa a na zumba txitimwi; mikhokhola ya marigwi yi na maha wuthavelo wakwe wo guleka, a na ningwa dipawu dakwe, ni mati akwe ma na maneka.

Masalmo 37:19

Kha va na mbi va ni tingana ka masiku a sikarato, ka masiku a nzala, vona va na khura.

Luka 10:42

aniko njilo tximwetxo dwe txi lavekako. Mariya ngene a nga sawula txi i ku txa txinene ngutu, atxi a no mbi tekelwa ngu m'thu.”

Luka 12:30

Nguko silo siya sotshe si vilelwa ngu vamatiko va ha mafuni; aniko anu Tate wanu wa tiziva ti to ma si pwata.