Luka 12:26 - Bhiblia Yo Sawuleka

²⁶ Se ngako mi tandwako ngu tximaha txa txidotho, mi vilelela txani simwani kani?

Luka 12:26 Referans Kwoze

1 Pedro 5:7

Vekani ka Txizimu kotshe kukarateka kwanu, nguko txona txa mi khatalela.

Masalmo 39:6

Ene wa pinda kufana ni mtsudi! Kha ti vhuni txilo kusengeletela tithomba, na asi ti zivi ti to ti na sala ni mani.

Ekleziyaste 7:13

Wonisisa mthumo wa Txizimu; nguko i mani a nga lulametako asi txi nga si maha si di gombonyekile kani?

Luka 12:29

Kambe anu mi nga vileleni ngu si mi no dya ni si mi no sela, mi nga kanakaneni;

Matewu 6:25

“Ngu toneto, na mi gela ku khani: Mi nga karatekeni ngu sa kuhanya kwanu, asi mi fanelako kudya mwendo asi mi fanelako kusela, hambi ngu si mi fanelako kuambala ha mmidi kwanu. Kasi kuhanya kha ku pindi sakudya kani? Ni wona mmidi ina kha wu nga ni lisima ngutu kupinda sa kuambala kani?

Luka 12:25

I mani kwanu, awu a sikotako kuengetela, hambi mbimoanyana yidotho ya kuhanya kwakwe, ngu kuvilela kwakwe kani?

Luka 12:27

Wonani makhoñwa: Kha ma thumi, kha ma luki, aniko ani na mi gela tito, hambi Solomoni wudhumoni kwakwe, kha bomba nga dimwedo ka ona.