Luka 12:24 - Bhiblia Yo Sawuleka

²⁴ Alakanyani magwana, nguko kha ma phayi, kha ma eluli, kha ma na txisangala ni dithala. Aniko Txizimu txa ma phamela. Kasi i di anu ma si pinda ngutu sinyana.

Luka 12:24 Referans Kwoze

Matewu 10:31

Ngu toneto, mi nga thaveni txilo, nguko anu ma si pinda sindili.”

Masalmo 147:9

a ningako ka sihari sakudya sa sona ni ka mavhondo a magwana, mbimo yi ma dilako.

Luka 12:7

Hambi misisi ya msungo wanu, yi batwe yotshe. Mi nga thaveni txilo, anu mi pala sindili so tala.”

Jobe 38:41

I mani a ningaho magwana sakudya, mbimo yile sisondo sa ona si dilako ka Txizimu, si txi peperukela ngu kupwata sakudya kani?

Jobe 35:11

Atxi txi hi mahako vo ziva kupinda sihari sa ha mafuni ni ku hi maha vo txhariha ngutu kupinda sinyana sa nzuma kani?

Marku 6:26

Mfumeli a to karateka ngutu, kambe e tandeka ku mu lambela ngu mhaka ya kuxambanya kwakwe, ni mhaka ya va a nga ti zumbile navo ha sakudyani.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Matewu 6:26

Wonani sinyana sa nzumani: Kha si phayi, kha si eluli, kha si sengeleteli txilo txisangalani, aniko Tate wanu wa nzumani wa si dyisa. Ina anu kha mi nga ni lisima kupinda sona kani?

Luka 12:18

Se a to alakanya a txi khene: ‘Ni na mahisa tiya: Ni na dhandula sisangala sangu, ni txi si maha sa hombe, se ni na thelela konemo fulaho yangu ni sotshe silo sangu.

Luka 12:23

Wutomi wu pala sakudya, mmidi ni wona wu pala syambalo.