Luka 12:21 - Bhiblia Yo Sawuleka

²¹ Ngu toneto, ti mahisako tona ka wule a sengeletelako tithomba, na i si nga nyatithombe wa txilo masoni ka Txizimu.”

Luka 12:21 Referans Kwoze

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Luka 12:33

“Xavisani simaha sanu, mi txi vhuna sisiwana. Mahani mikwama yo mbi sakala, mi txi veketa txuma txanu txo mbi guma nzumani, amuwa ku si tshuketiko dikhamba, hambi sumba yi si doliko.

Mtuletelo 2:9

Na kuziva kuxaniseka kwako ni wusiwana wako kambe awe u nyatithombe, ni ziva ni siruko si va ku rukako ngu sona vamwani va ti dhanako ku mba Judha, na i si nga vona, aniko vona i disinagoga da Sathani.

Habhakuki 2:9

Dikhombo ka wule a sengeletako tithomba to ti mana ngu mamahelo awalo, kasi kuveka txisaka txakwe txitimwi, a txi mahela ku ti txhatxhisa ka dianza do biha.

Hoseya 10:1

Israyeli m'vhinya wo txhuma ngutu; u veleka mihando ya wona; madingano ni kutala ka mihando ya wona, kufana ni toneto andisile siluvelo sakwe; mdingano ni kunona ka mafu, va mahile sifananiso sa sinene so wumbwa.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Luka 16:11

Ngu toneto, ngako mi sa ziva kumaha vo thembeka amu kuxayisani ka txuma txi i ku si nga txa txinene, mi na sikotisa kutxani kumahwa vaxayisi va sile i ku sa sinene kani?

Luka 6:24

Aniko, dikhombo danu anu vanyatithombe, nguko mi ku mani kale kuthavelelwa kwanu.

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

Mavingu 13:7

Ku ni wule a ti mahako nyatithombe, na asi nga ni txilo ni txa tximwetxo, ni wule a ti mahako txisiwana, na a di ni thomba yayingi.

1 Timoti 6:9

Se ava va lavako kumaha vanyatithombe, va wa kudukwani ni kuriyelwani ni minavelo yo tala ya wubhemba ni ya kuyisa tiphangoni, yi yisako vathu kulovani, ni kumwalatwani.