Luka 12:2 - Bhiblia Yo Sawuleka

² Nguko kha ku na txilo txi txi nga fenengetwa, atxi txi no mbi vhunungulwa, hambi txi txi nga siswa, txi no mbi ziwa.

Luka 12:2 Referans Kwoze

Marku 4:22

Nguko kha ku na txilo txi ku kusisalani, txi na ku ambi wonekiswa; kambe kha ku na txilo txi txi nga tumbetwa, txi no mbi tumbulwa.

Luka 8:17

Nguko kha ku na txilo txi ku kusisalani, txi na ku ambi wonekiswa, kambe kha ku na txilo txo siswa txi no mbi humelela kubasani.

2 Vakorinto 5:10

Nguko hotshethu hi na ya ema hi txi thethiswa masoni ka Kristu, kasiku mmwani ni mmwani a txi amukela atxile txi m'fanelako, madingano ni wunene mwendo wubihi wu a nga wu maha, a di ngadi a txi hanya wutomi wa mmidi.

Ekleziyaste 12:14

Nguko Txizimu txi na yisa mithumo yotshe kulamulwani, ni yotshe yi yi ku kusisalani, mwendo ya yinene, mwendo njo biha.

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Varoma 2:16

Ngu tona tiya ti nota humelela ngu ditshiku diya Txizimu txi nota lamula, ngu Jesu Kristu, sikungo sa vathu nga kuwomba ka Evhangeli yi ni yi txhumayelako.

Jeremiya 16:17

Nguko maso angu ma ti wonetela tinzilani kwawe kotshe; kha va sisala masoni kwangu, ni si onho sawe kha si sisaleki masoni kwangu.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.