Luka 12:18 - Bhiblia Yo Sawuleka

¹⁸ Se a to alakanya a txi khene: ‘Ni na mahisa tiya: Ni na dhandula sisangala sangu, ni txi si maha sa hombe, se ni na thelela konemo fulaho yangu ni sotshe silo sangu.

Luka 12:18 Referans Kwoze

Jakobe 3:15

nguko, wuzivi wo ngeto, kha wu ti ngu txitimwi, aniko mbuzivi wa ha mafuni; wa wuhari ni wa wusathane.

Jakobe 4:15

Hahanze ka kuwombisa ku khanu: “Ngako Mkoma a txi ti lava hi na hanya se hi na thuma tiya, mwendo tile.”

Luka 18:6

Mkoma a engetile a txi khene: “Engisani mapswi awa ma wombwako ngu mlamuli wu wo mbi lulama!

Luka 12:21

Ngu toneto, ti mahisako tona ka wule a sengeletelako tithomba, na i si nga nyatithombe wa txilo masoni ka Txizimu.”

Luka 18:4

Ngu mbimo yayingi, ene a lambile ku mu engisa. Msana keto, a to pimisa ene apune, a txi khene: ‘Hambiko ni si thaviko Txizimu, kambe ni si xoniphiko vathu,

Masalmo 17:14

ni hulukise, Mkoma, ngu diwoko dako ka va vo biha, va fuvise ka ditiko diya. Ka vale va kuthembako va ninge tithomba to tala, ti dinganako kukhurisa vanana vawe ve tshumela ve khurisa ni vatukulu vawe.

Matewu 6:26

Wonani sinyana sa nzumani: Kha si phayi, kha si eluli, kha si sengeleteli txilo txisangalani, aniko Tate wanu wa nzumani wa si dyisa. Ina anu kha mi nga ni lisima kupinda sona kani?

Luka 12:17

Konaho ene a to pimisa a txi khene: ‘Ni na mahisa kutxani kani? Kha ni nga ni wukhalo wo veka kona silo sangu!’

Luka 12:19

Se ni na gela moya wangu ni txi khani: Moya wangu, u na ni silo sasingi, asi si no heta malembe amangi. Humula, dyana, sela u txi ti tsakela.’

Luka 12:24

Alakanyani magwana, nguko kha ma phayi, kha ma eluli, kha ma na txisangala ni dithala. Aniko Txizimu txa ma phamela. Kasi i di anu ma si pinda ngutu sinyana.

Jakobe 4:13

Sekoko, ni womba kwanu mi ku khanu: “Nyamsi, mwendo mangwana, hi na tsula ka didhoropa dokari, hi na ya fungala dilembe, hi txi xavisa, hi txi bhindula male,”