Luka 11:54 - Bhiblia Yo Sawuleka

⁵⁴ Ve mu riyela kasiku mwendo va nga mñola ngu mapswi a kuwombwa ngu txisofu txakwe.

Luka 11:54 Referans Kwoze

Marku 12:13

Se va to rumela Vafarisi vokari ni va ka Herodha, ka Jesu kasi ku mu bzweta ngu mapswi.

Matewu 22:35

se mmweyo wa vona, i nga ti txizivi txa mlayo, a to mu duka ngu txiwotiso a txi khene:

Matewu 22:15

Sekoko Vafarisi, va di khukhile, va to ya langana, txikungoni, marindi a kuñola Jesu amu ka mapswi akwe.

Luka 20:20

Se va to baramela Jesu, ve rumela sinyengwani, si nga txi ti maha vathu vo lulama, kasiku mkhakheta ka dipswi dokari, ti to va na mningela ka wulamuli, ni ka mtamo wa mfumeli.

Marku 3:2

Se vona va ti mu wonetela ngu kulava kuziva ti to mwendo a na mu hanyisa, kufela kuve sikota ku mu mangalela.

Matewu 22:18

Aniko Jesu, a di woni kubiha kwawe, a to khene: “Njani mi txi ni duka, anu vaxengeteli, kani?

2 Vafumeli 5:7

Se mbimo yile a nga gonda dipapilo mfumeli wa ka Israyeli, a to vharula syambalo sakwe, a txi khene: Ina no va Txizimu ani, txo daya ni kuhanyisa, kuza e ni rumela wamwamna wuwa, kuva ni m'hanyisa ka xokonho kani? Sekoko ti woneni, na mi kombela, a lava wurindi wa ku ni lwisa.

Luka 11:53

Ku ti ngako a txi huma, konaho vabhali ni Vafarisi va to khata ku mu wukela ni ku mu txhokolotela ngu mapswi, ti to e womba-womba timhaka to tala,

Luka 20:26

Se kha va sikota ku m'bzweta ngu mapswi dipswi dokari masoni ka vathu; va to xamala xamulo yakwe, va so kaye.

Mithumo 23:21

Aniko u nga tumele, nguko vavamna va va pindako mune wa magumi, va mu baramete, va xambanyile ngu kutsanisa, va txi kha vona kha va na kudya hambi kusela, na va sinzi ku m'daya; konkuwa va ti longisete, va verela kutumela kwako dwe.”