Luka 11:45 - Bhiblia Yo Sawuleka

⁴⁵ Se mmwani wa vagondisi va Mlayo a to xamula a txhi khene: “M'gondisi, ngu kuwombisa eto, wa hi ruketela nanathu.”

Luka 11:45 Referans Kwoze

Jeremiya 6:10

Ni na gela mani, ni maha wufakazi waku va na wu engisa kani? Tinzeve tawe maphanzeve, kha va sikoti kuengisa. Mhaka ya Mkoma njiruko kwawe kha va yi dhundi.

Johani 9:40

Se Vafarisi vokari, va nga ti kumweko nayo, ngako va di engisile tiya, va to mu wotisa, va txi kha vona: “Ina hi mabhofu nathu kani?”

Johani 7:48

I mani ka va va hombe ni ka Vafarisi, a nga kholwa kwakwe kani?

Johani 7:7

Ditiko kha di na ku mi vengela, kambe ani da ni vengela, nguko na fakaza ti to mithumo ya dona yi bihile.

Luka 11:52

Mi na ni dikhombo, anu vagondisi va Mlayo, nguko mi tekile khiya ya tigondo, se anu kha ma wulela, kambe mi tsimbile ava va nga txi lava kuwulela.”

Luka 11:46

Aniko, ene a ti khene: “Mi na ni dikhombo anu vagondisi va Mlayo, nguko mi rweka vathu mirwalo yi yi va nemelako, kuve anu ma lamba ku yi gwesa mirwaloyo, hambi ngu litiho limwelo.”

Matewu 22:35

se mmweyo wa vona, i nga ti txizivi txa mlayo, a to mu duka ngu txiwotiso a txi khene:

Jeremiya 20:8

Nguko konkuwa ni wombawombako, na peka huwa; ni peka huwa ngu “kutsindavetwa ni kuhandwa.” Nguko va ni ruketela ngu mhaka ya dipswi da Mkoma, ni ku ni seka dotshe ditshiku.

1 Vafumeli 22:8

Sekoko Akabe i ku mfumeli wa Israyeli a to khene ka Josafati: A nga diho wamwamna waku a nga hi wotisela ka Mkoma; aniko ani na mnyenya nguko kha zivi ku nga profeta ta tinene ngu ngani, ndo biha dwe; i Mikaya, mwana Inila. A to khene kha Josafati: U nga wombise eto awe mfumeli.

Luka 7:30

Kambe Vafarisi ni vagondisi va mlayo va nyenyile makungo awa Txizimu txi nga ti nawo kwawe, nguko va nga lamba kubhabhatiswa ngu ngene.