Luka 11:4 - Bhiblia Yo Sawuleka

⁴ Hi divalele sionho sathu, nguko ha va divalela ava va ku ni minandu kwathu; u nga hi leke hi txi wa kudukwani.’ ”

Luka 11:4 Referans Kwoze

Matewu 26:41

Wonelelani, mi txi khongela, kasi mi si wi kudukwani. Nguko moya wona wu tsani, aniko mmidi wa rereka.”

Vakolosa 3:13

mi timiselana ni kudivalelana mmwani ni mmwani, ngako m'thu a di ni txisolo ka mmwani, nga kule Kristu a nga mi divalela, na nanu mahisani toneto.

Matewu 18:35

Tate wanu wa nzumani nene ngu tona tiya a no mi mahisa tona, ngako mi si divaleli ngu timbilu tanu m'thu ni m'thu ka muakelani wakwe, minandu yakwe.”

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

2 Timoti 4:18

Mkoma a na ni hulusa ni ka yotshe mithumo yo biha; a na ni ponisa kasiku e ni yisa ka Mfumo wakwe wa nzumani. Kupfaliswa ku nave kwakwe ngu malembe ni malembe. Amen.

2 Vatesalonika 3:3

Aniko, Mkoma mbwo thembeka: Ene a na mi ninga kutsana, a na mi vhikela ka m'bihi.

1 Vakorinto 10:13

Kha mi nzi kuhumelelwa ngu txiduko txa kuhambana ni siduko sa vamwani vathu. Txizimu txi thembekile, kha txi na kutumela ti to mi txi dukwa ngu si si ku txitimwi ka mtamo wanu. Aniko, ngako txiduko txi txi mi tela, a na mi ninga nzila ya kupona ka txona, ni mtamo wa ku txi rwala.

Johani 17:15

Kha ni ku kombeli ti to u va thavisa ha ditikoni, aniko ngu ti to u txi va vhikela ka M'bihi.

Luka 22:46

Se a txi khene kwawe: “Nji txani mi txi otela kani? Wukani, mi txi khongela, kasiku mi si wi kudukwani.”

Luka 8:13

Ava va ku ha marigwini, ngu va va nga engisa dipswi, ve di amukela ngu kutsaka, kambe ve pwata mikoloti, va txi tumela ngu mbimoanyana; se ngu mbimo ya txiduko, va rereka.

Hoseya 14:2

Wombani mapswi anu, se mi hundulukela ka Mkoma, mi txi khanu: Thavisa wotshe wubihi, u amukela wunene; se hi na kuninga mphaxo wa sisofu sathu ku nga marole.

Dhaniyeli 9:19

Awe Mkoma, engisa! Awe Mkoma, divalela! Awe Mkoma, hi pfisise, maha u nga swele; ngu kuranda kwako, awe Txizimu txangu; nguko didhoropa dako ni vathu vako va dhanwa ngu ditina dako.

Masalmo 25:18

Wona kupandiseka kwangu ni kuxupheka kwangu u txi ni divalela sotshe sionho sangu.

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Masalmo 121:7

Mkoma a na kuvhikela ka kotshe kubihani; ene Mkoma a na vhikela wutomi wako.

Masalmo 25:11

Mkoma, sionho sangu nza hombe ngutu, ni divalele kasi kudhumisa ditina dako.

1 Vafumeli 8:36

va engise awe koko nzumaniyo, u divalela txionho txa sithumi sako ni txa vathu vako va ka Israyeli, ni ku va gondisa to va na tsimbile ngu nzila ya yinene, nisa mati ka mafu awa u nga ninga vathu vako kuva thomba.

1 Vafumeli 8:34

sekoko awe engisa u di nzumani, u divalela sionho sa vathu vako va ka Israyeli, u tshumela u va heleketa ka ditiko dile u nga thembisa ka vatate vawe.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Luka 11:5

A va gete kambe ku khene: “Ngako mmweyo wanu, awu a ku, a di ni mndoni, e mu yela hagari ka wusiku, a txi ya khene kwakwe: ‘He mndoni wangu, hinga ni lomba mapawu mararu,

Luka 13:4

Hambi vale va digumi ni mtxhanu ni vararu, va nga welelwa ngu txitezi txa Silowame, txi txi va daya, ina mi khanu i ti vaonhi va hombe ngutu kupinda votshe va va nga aka Jerusalema kani?