Luka 11:36 - Bhiblia Yo Sawuleka

³⁶ Ngako mmidi wako wotshe wu txi woningwa, na wu si nga ni txidema, ngu kona wu no woningwa wotshe kufana ni mbimo yi dilambu di ku woningako ngu kuwonekela ka dona.”

Luka 11:36 Referans Kwoze

Mavingu 20:27

Dihika da m'thu, dilambu da Mkoma kwakwe, adile di wonako kotshe mndani ka m'thu.

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

2 Pedro 3:18

Ngu toneto, kulani amu ka kateko ni kuziva Mkoma ni Muhanyisi Jesu Kristu. Kwakwe ku nave ni kupfaliswa, konkuwa ni ka ditshiku da wutomi wo mbi guma! Amen.

Vakolosa 3:16

Dipswi da Kristu di na ake timbiluni kwanu ngu kutatiseka, na mi txi gondisana ni kulayana ngu wotshe wutxhari, ni kukombelelana ngu masalmo ni mizeno ni tindanto ta moya; embelelani ngu yotshe mbilu ka Txizimu, mi txi komba kubonga kwanu.

Mavingu 1:5

kasi ku txhari yi engisa, ni kukula mu ka wutxhari, ni ku awule a gondiswako e mana sileleto sa wutxhari;

Jakobe 1:25

Kasi awu a khutalako ngu kugonda mlayo wa kuhetiseka wa wuthuseki, e wu simamela, asi ti mahi muengisi wo divala, aniko a veketako ati wona wu rumako, eyo a katekile ka tile a ti mahako.

Vahebheru 5:14

Kambe sakudya si so banga, nza vahombe, i ku va vo tolovela, ava va zivako kuhambanisa totshura ni to biha.

Vaefesu 4:14

Kasiku hi si swi hi maha vanana va va pengiswako ngu mavimbi, ve pepulwa ngu timoya ta gondo ya kukanganyisa ka vathu, ni marindi awe ma hi timetako.

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Isaya 42:16

Ni na tsimbitisa mabhofu ngu nzila yi ma si yi ziviko, ni na ma maha me tsimbila ngu magondo ale ma nga mbi ma ziva; ni na hundula txidema txi maha kuwonekela masoni kwawe; ni so maha so gombonyeka ni na si lulamisa. Simaheso ni na si maha, kambe kha ni na mbiswa ni va leka.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Matewu 5:15

Hambi dilambu kha va di lumekeli ku di khubhunyewa ngu txirundu, aniko va di hayeka txitimwi ka phande, ti to di woninga votshe va va ku nyumbani.

Luka 11:35

Ti wonele ti to kuwonekela kuwa ku ku kwako ku nga phinduke ku txi maha txidema.

Luka 11:37

Jesu a di ngadi a txi womba-womba, mfarisi a to mkombela ku eya dya nayo. Se ene a to wulela eya khalahatsha ha mezani.