Luka 11:31 - Bhiblia Yo Sawuleka

³¹ Mkoma wa msikati wa kuta ngu Wulambwe a na khukha a txi ema, kulamulwani, ni vathu va liveleko liya, a na va kona, nguko a tile ngu siyekamitshi kuta engisa wuzivi wa Solomoni; kasi wa hombe kupinda Solomoni waho hawa.

Luka 11:31 Referans Kwoze

2 Makronika 9:1

Mbimo yile mfumeli wa txisikati wa Sabha a nga pfa nduma ya Solomoni, a tile Jerusalema e ta m'hika ngu siwotiso so karata. A to ta ni dibutho da hombe, ni makameli ma di rwate sidyanadyana, ni nzalama yayingi ngutu, ni marigwi a lisima; se e ta geletela Solomoni totshe ti a ngadi nato mbiluni kwakwe.

Varoma 2:27

Se awu i ku dikhutu ngu didhawa da mmidi, ngako a txi veketa mlayo, a na ku abanisa awe u ndakako mlayo, hambi u di ni ti ti nga bhalwa, hambi wukwera.

Luka 3:22

Se Moya wo Sawuleka wu to txhika txitimwi kwakwe ngu txifaniso txa txituvane. Se dipswi da kuta ngu nzumani di to pfala, di txi kha dona: “Awe u Mwanana wangu wo randeka ngutu; ni vekile kwako kotshe kutsaka kwangu.”

Matewu 12:42

Mfumeli wa wamsikati wa kuta ngu wulambwe, a nata ngu distsiku da kuthethiswa kumweko ni liveleko liya, a txi li kambula, nguko ene a tile ngu magemeta-mitshi ka mafu ku ta pfa wuzivi wa Solomoni. Kasi waho kona hawa, wa hombe kupinda Solomoni.”

Jeremiya 3:11

Mkoma a ti khene kwangu: Israyeli, hambiko a nga phawuka, a kombisile kululama kupinda Judha a nga mbi thembeka.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Luka 9:35

Di to huma dipswi direfuni di txi kha dona: “Awuwa i Mwanana wangu wa kusawuleka. Mu engiseni.”

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.