Luka 11:29 - Bhiblia Yo Sawuleka

²⁹ Ku ti ngako dibutho di txi sengeletana, Jesu a ti khene: “Liveleko liya lo biha li kombela txidiwukiso, aniko kha li na mbi ningwa txidiwukiso tximwani, i si nga txidiwukiso txa Jona.

Luka 11:29 Referans Kwoze

Luka 11:16

Vamwani kambe va to m'duka ngu kukombela txidiwukiso txa kuta ngu nzumani.

1 Vakorinto 1:22

Vajudha va kombela sixamaliso, Vagriki vona va lava wuzivi.

Luka 12:1

Ka yoneyo mbimo, vathu va ti sengeletanile kwakwe ngu magumi a mazana, ahawa koza ve kandetelana. Se Jesu a to khata kugela vagondiswa vakwe a txi khene: “Ti woneleni ka mtshumbelo wa Vafarisi, i ku wuxengeteli.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Johani 6:30

Vona va to womba va txi kha vona: “Nzidiwukiso muni, u si mahako, kasiku, hi txi si wona, hi na kholwa kwako kani? Njilo muni u txi mahako kani?

Johani 2:18

Se Vajudha va to womba-womba, va txi kha vona kwakwe: “Njikombiso muni u hi kombisako ngu txona ti to u na ni mtamo wa kumaha toneto kani?”

Luka 11:50

Ati to mnoha wa vaprofeti votshe wu wu nga theketwa kukhukhela kutumbulukani ka mafu, wu txi vilwa ka liveleko liya,

Luka 9:41

Jesu a to xamula a txi khene: “Anu livelekonu la kwa mbi kholwa ni lo gombonyeka, ni na va ni nanu ni kulaphisa mbilu kala ditshiku muni kani? Tisa mwanana wako hawa.”

Marku 8:38

Nguko awu a ku ni tingana ngu ngani ni mapswi angu masoni ka liveleko liya lo mbi thembeka masoni ka Txizimu ni la vaonhi, nene Mwanana wa M'thu a na va ni tingana ngu ngene, ditshiku di a no wuya ni wudhumo wa Tate wakwe, ni tingelozi to sawuleka.”

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Ezekhiyele 24:24

Ngu kumaha keto, Ezekhiyele a na va txikombiso kwanu; mi na maha totshe tile a no va a di mahile; se mbimo yi eto ti no maheka, mi na tiziva taku, ani ngani Mkoma Txizimu.

Jona 1:1

Se dipswi da Mkoma di to ta ka Jona, mwana Amitayi, di txi kha dona: