Luka 11:28 - Bhiblia Yo Sawuleka

²⁸ Jesu a txi khene: “Kambe ngutu-ngutu va katekile ava va engisako dipswi da Txizimu, va txi di vekisa.”

Luka 11:28 Referans Kwoze

Luka 8:21

Kambe ene a to xamula a txi khene kwawe: “Mame wangu ni vanathu ngu va va engisako Dipswi da Txizimu, ve di thumisa.”

Masalmo 112:1

Dhumisani Mkoma! A katekile m'thu wule a thavako Mkoma a dhundako kuvekisa milayo yakwe.

Johani 13:17

Ngako mi txi tiziva tiya ni ku ti thuma, mi katekile.”

Masalmo 128:1

A katekile awule a thavako Mkoma awu a londetako tinzila takwe.

Mtuletelo 22:14

Va katekile avale va kuwulako tinguwo tawe kasiku ve mana txyavelo ka mndonga wa wutomi, ni kusikota kuwulela didhoropani ngu ha sikeni ka dona.

Mavingu 8:32

Kona kuwa koko, vanangu, ni engiseni, nguko va na kateka vale va no veketa tinzila tangu.

Mavingu 19:16

Awule a vekisako mlayo, a na vekisa muhefemulo wakwe; aniko awule a txhipisako tinzila ta tinene a na fa.

Mtuletelo 1:3

A katekile awule a gondako ni vale va engisako dipswi da txiprofeto txiya, ngako va txi vekisa ati ti nga bhalwa, nguko mbimo yi hafuhi.