Luka 11:26 - Bhiblia Yo Sawuleka

²⁶ Sekoko wu tsula wi txi ya lava mimoya yimwani ya mtxhanu ni yimbidi, ayi yi wu pindako ngu wubihi, se yi wulela yi zumba konamo. Se mazumbelo o gwitisa a m'thu wuwa ma phinduka me maha o biha kupinda o khata.”

Luka 11:26 Referans Kwoze

Johani 5:14

Msana ka tiya, Jesu a to mu mana Dithepeleni a txi khene kwakwe: “Wa ti wona, u hanyisilwe; u nga engete u txi onha, kasiku di si ku humeleli dikhombo da hombe kupinda di do thanga.”

Matewu 12:45

Sekoko moya wule wu to ya dhana yimwani mimoya ya mtxhanu ni yimbidi, ya nzambwa ngutu kupinda wona, se yi wulela yi zumba konemo. Se mazumbelo o gwitisa a m'thu wule ma na pinda o khata ngu kubiha. Ku na mahisa toneto ka lona liveleko liya la tshofu.”

1 Johani 5:16

Ngako m'thu a txi wona mwanawe a txi maha txionho, atxi txi si yisiko kufani, a na mkombelele; se Txizimu txi na mninga wutomi, ngako kha ditshuri txionho txiya i si nga txa kuyisa kufani. Txiho txionho txi txi yisako kufani, kambe hi nga txona txi ni ku khani a na mkombelela ngu txona.

Zefaniya 1:6

ni va va lekako kulondeta Mkoma, ni vale va si laviko Mkoma, hambi ku wotisa txilo ngu ngene.

Matewu 23:15

“Mi na ni dikhombo, anu vabhali ni Vafarisi, vaxengeteli! Mi dhawulako linene mafuni kasi kumana mlondeteli mmweyo; se mbimo yi mi nga mu mana, mi txi mñola ta tinene, mi mu maha wu a ku ni fanelo ya kuyiswa gehena, awu a mi pindako kambidi ngu wubihi.”

Luka 11:25

Se ngako wu txi hoka kona, wu yi mana yi di hiyetwe, na kambe yi di longisilwe.

Luka 11:27

Se a di ngadi a txi womba timhaketo wamsikati wu a ku hagari ka dibutho a to gula dipswi dakwe, a txi khene: “A katekile mame wu a nga kuveleka ni titshumbu ti u nga mama!”